Znajści
Ałharytmičny łacinski varyjant
24.05.2024 / 17:156RusŁacBieł

U Hrodnie biełarusu i rasijaninu dali dzikija terminy za «padrychtoŭku dyviersij»

U Hrodzienskim abłasnym sudzie z 26 lutaha ŭ zakrytym režymie za «padrychtoŭku dyviersij» sudzili biełarusa Vadzima Pacenku i hramadzianina Rasii Alaksieja Kulikova. Ich abvinavačvali ahułam pa piaci ciažkich artykułach Kryminalnaha kodeksa, u tym liku pavodle č. 3 art. 126 (akt mižnarodnaha teraryzmu) i art. 358-1 (ahienturnaja dziejnaść). 11 krasavika Valer Ramanoŭski ahučyŭ prysud, daviedałasia «Viasna».

Vadzim Pacenka i Alaksiej Kulikoŭ

Vadzima Pacenku asudzili da 21 hoda kałonii, a Alaksieja Kulikova — da 23 hadoŭ źniavoleńnia. Apošniaje słova Kulikoŭ pramoviŭ pa-ŭkrainsku, a Pacenka zajaviŭ «ab najaŭnaści ŭ jaho dziejańniach palityčnaj padkładki», paviedamlajuć praŭładnyja telehram-kanały, niehledziačy na toje, što sud byŭ zakryty.

Viadoma, što 22-hadovy Vadzim Pacenka rodam sa Śvisłačy, ale žyŭ u Hrodnie. Viadoma, što mužčyna zajmaŭsia sportam, u tym liku pradstaŭlaŭ rodny horad na junijorskim spartyŭnym mnahaborji.

Zatrymali Pacenku 3 sakavika 2023 hoda. U praŭładnym filmie «Haspar nie vyšieł na śviaź» zajavili, što jon nibyta pavinien byŭ ździejśnić dyviersiju ŭ Hrodnie. Na kadrach dopytu jon kaža, što jamu «pastavili zadaču padarvać naftabazu z dapamohaj drona i vybuchoŭki». Užo tady zajavili, što jamu inkryminujuć č. 2 art. 289 KK (akt teraryzmu).

Vadzim Pacenka paśla zatrymańnia. Skrynšot ź filma na ANT

Hramadzianinu Rasijskaj Fiederacyi Alaksieju Kulikovu 36 hadoŭ. U tym ža praŭładnym filmie raskazali, što hod tamu Kulikoŭ źbieh ad pryzyvu, a trapić u Hrodna jamu dapamoh rasijski apazicyjanier Daniił Krynary (Kavaleŭski).

Kulikova zatrymali 26 lutaha 2023 hoda. Pa viersii KDB, Alaksiej zdymaŭ na fota abjekty ŭ Hrodnie dla «ŭkrainskich śpiecsłužbaŭ» — vajenkamat Hrodna i Hrodzienskaha rajona, vajskovuju čaść 41780, naftabazu rajona Auls, naftabazu rajona Dzieviatoŭka, hienkonsulstva RF. Kulikovu vystavili abvinavačvańni pavodle č. 2 art. 289 (akt teraryzmu) i č. 2 art. 126 (akt mižnarodnaha teraryzmu) Kryminalnaha kodeksa.


Viadoma tolki, što mužčyny razam pracavali.

Vadzima Pacenku i Alaksieja Kulikova ahułam abvinavacili pa nastupnych artykułach Kryminalnaha kodeksa:

  • č. 3 art. 289 (akt teraryzmu);
  • č. 3 art. 126 (akt mižnarodnaha teraryzmu);
  • art. 358-1 (ahienturnaja dziejnaść);
  • č. 1 art. 356 (zdrada dziaržavie);
  • č. 1 art. 130 (raspalvańnie inšaj sacyjalnaj varožaści).

Čytajcie taksama:

«Akt mižnarodnaha teraryzmu». U Hrodnie projdzie sud za «padrychtoŭku dyviersij»

Strałok, spartoviec z rajcentra, prahramist. Daviedalisia bolš pra niekatorych abvinavačvanych u «teraktach» 

Na ANT vypuścili film pra «sietku SBU» ŭ Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
4
Ха-ха
1
Ого
0
Сумна
6
Абуральна
62
0
Goga /adkazać/
24.05.2024
A vy nazyvajetie łukašienkovskij riežim fašistskim? Eto komuniaki, stalincy lenincy. Niemieckije nacisty byli anhiełami v sravnienii s etimi sadistami. Słavnyje prodołžatieli dieła Marksa Lenina Stalina.   
8
Pudzh/adkazać/
24.05.2024
No, kali abvinavačańni praŭdzivyja, to prysud całkam spraviadlivy. Ich dziejańni -- heta akt mižnarodnaha teroru suprać našaj krainy, chto b joj nie kiravaŭ.

U vypadku ž Ukrainy nie zusim razumieju, jak i navošta jany sudziać rasiejcaŭ. Žaŭniery -- kambatanty, pa mižnarodnych kanviencyjach ich treba jak pałonnych trymać da abmienu i ŭsio. Rasiejcy navat Azoŭ nie sudzili, nahadaju vam.
0
No/adkazać/
25.05.2024
Pudzh,Ty chłuślivy hebniuk.
Jaki prysud? "sud" byŭ zakrytym, złačynstva nie ździejśniena.

Vajaroŭ Azova zavieźli ŭ rašku i na tak zvanyja akupavanyja DNRy i tam im prysudžajuć vielizarnyja terminy.





Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930