Znajści
Ałharytmičny łacinski varyjant
24.05.2024 / 19:3513RusŁacBieł

Palityka sprava moža i brudnaja, ale miesca maralnym normam jość i ŭ joj. Razvahi da kiejsa Azarava

Daviałosia ŭčora ŭviečary pahladzieć pasiadžeńnie kamisii pa vybarach u Kaardynacyjnuju radu, na jakoj razhladaŭsia kiejs Alaksandra Azarava ź jahonaj rassyłkaj. Mianie tam mocna i niepryjemna ŭraziŭ adzin z apraŭdalnych arhumientaŭ, što, maŭlaŭ, tyja ludzi, kali padpisvalisia na płan «Pieramoha», ad pačatku išli na ryzyku i byli da jaje hatovyja, a tamu kali im niešta ŭ hety bot šleš, to heta sustrenie ź ich boku razumieńnie. Tamu, maŭlaŭ, i prablemy z parušeńniem biaśpieki niama — ludzi viedali, na što išli. Ale ž heta miašańnie bobu z harocham, piša ŭ fejsbuku historyk Alaksandr Paškievič.

Alaksandr Azaraŭ

Arhumient nie tolki dziŭny, ale i nadzvyčaj cyničny.

Pa-pieršaje, realii traŭnia-červienia 2021 hoda, kali zapuskaŭsia čat-bot płana «Pieramoha», i realii traŭnia 2024 hoda, kali praź jaho pravodziłasia rassyłka — dźvie vialikija roźnicy.

A pa-druhoje (i heta samaje hałoŭnaje) — hatoŭnaść luboha čałavieka, navat samaha-samaha achviarnaha, da ryzyki zusim nie ŭniviersalnaja: u adnym vypadku jon hatovy ryzykavać i stavić na kartu navat svajo žyćcio, a voś u inšym — kateharyčna nie.

Zaležyć ad vialikaha mnostva faktaraŭ: maštabnaści zadačy, davieru da arhanizataraŭ i viery ŭ patrebnaść dy karysnaść spravy, u imia jakoj robicca achviaravańnie, ahulnaj hramadskaj atmaśfiery i h. d.

U hetaj suviazi mnie ŭspaminajucca razmovy ź niabožčykam Uładzimiram Lachoŭskim užo ŭ samym kancy jahonaha žyćcia. Aktyŭnyja pratesty tady byli ŭžo zadušanyja i išła chvala represij, ale što jany dasiahnuć až takoha maštabu, tady jašče nie vieryłasia. Prynamsi, my na hetyja temy pamiž saboj jašče žartavali.

Ja, pomniu, žartam kazaŭ, što za Vałodzievu papularyzacyju bieł-čyrvona-biełaha ściaha ŭ 2020-m jamu ŭ novaj Biełarusi budzie jaŭna naležać orden, voś tolki dla peŭnaści treba jašče adsiadzieć prynamsi 15 sutak. Jon adžartoŭvaŭsia cytataj, što «ja sohłasien na miedal».

Uvohule ž čym dalej, tym usio bolš rabiłasia nie da žartaŭ: prynamsi zvalnieńni pa palityčnych matyvach pašyralisia ŭsio bolš i bolš, dy i pajšła ŭžo chvala zatrymańniaŭ nie tolki niejkich klučavych asobaŭ i tych, chto trapiŭ u ruki siłavikoŭ niepasredna padčas niejkich akcyj, ale i za staryja hrachi: pačynałasia, karaciej, usio toje, što my nazirajem da hetaj pary.

Vałodzia ŭ takoj situacyi staraŭsia pavodzić siabie maksimalna aściarožna i asabliva nie vysoŭvacca. Nie toje kab całkam loh na dno i ścišyŭsia, ale, naprykład, kamientary pra toj ža ściah davaŭ užo nie ŭsim i nie pry luboj nahodzie, dy i ŭvohule, jak toj kazaŭ, filtravaŭ bazary.

Ja jamu kazaŭ, što heta pravilna, kaniešnie, ale ŭ pryncypie, kali ŭžo pajšła takaja pjanka, to naŭrad ci ŭdasca adsiadziecca: jahonyja artykuły i intervju ŭ 2020-m drukavalisia i pieradrukoŭvalisia ci nie va ŭsich niezaležnych vydańniach, šerylisia pa čatach dy kanałach. Tamu, kazaŭ, kali pačnuć sapraŭdy hrebści ŭsich, chto tady zaśviaciŭsia, to ciabie nie minuć.

I jon mnie tady, pamiataju, skazaŭ pryblizna takoje:

«Heta zusim inšaje. Za svaje knihi i artykuły ja hatovy adkazvać. A kali daviadziecca, to za heta i paciarpieć biez narakańniaŭ. Bolš taho, artykuły ja budu i ciapier pisać dy pa mahčymaści drukavać, bo viedaju, što heta daść plon i karyść kali nie ciapier, to paśla. A voś čaho mnie zusim nie chočacca — heta sieści ci paciarpieć inšym čynam prosta zduru, za niejkuju nikomu i ni dla čaho nie patrebnuju chierniu. I voś hetaha ja budu ŭsimi siłami paźbiahać».

Dyk voś Azaraŭ svajoj rassyłkaj heta jakraz i zrabiŭ — ludziej, jakija hatovyja byli ryzykavać saboj, bačačy pierad saboj vysokija mety, pastaviŭ pad patencyjny ŭdar z-za chierni. Naturalna, ich nie pytajučysia.

I hetamu niama nijakaha apraŭdańnia. Palityka moža i brudnaja sprava, ale heta nie značyć, što ŭ joj zusim niama miesca maralnym normam.

Čytajcie taksama:

Błok Azarava źniali z vybaraŭ u Kaardynacyjnuju radu

Azaraŭ admoviŭsia zdymacca z vybarčaj honki ŭ Kaardynacyjnuju radu

Azarava prymušajuć źniacca z vybaraŭ u Kaardynacyjnuju radu

Rozie Turarbiekavaj daviadziecca vyklučyć dvuch mužčyn sa svajho vybarčaha śpisu, kab adpaviadać hiendarnym kvotam

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
78
Панылы сорам
3
Ха-ха
0
Ого
2
Сумна
0
Абуральна
3
1
Słušna /adkazać/
24.05.2024
Sto adsotkaŭ
4
Anatol Starkou/adkazać/
24.05.2024
[Red. vydalena]
0
Vałodzia/adkazać/
25.05.2024
Vybary KS (kłuba sama zabojcaŭ) heta chiernia, dziakuj, Paškievič, što patłumačyŭ
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930