Film «Biełsata» adznačyli na «Listapadzie»
Žury ŭručyła śpiecyjalnyja pryzy kinafiestyvalu.
Žury ŭručyła śpiecyjalnyja pryzy kinafiestyvalu.
Biełaruska-polskaja stužka «Dniuka» Andreja Kuciły i Alaksandra Nalivajki, źniataja dla telekanała «Biełsat», była adznačana adrazu ŭ dźviuch naminacyjach. Jana stała lepšaj dakumientalnaj karcinaj pa mierkavańni kinakrytykaŭ i kinaviedaŭ, a taksama joj uručyli śpiecpremiju Biełaruskaha sajuza kiniematahrafistaŭ.
Kinakrytykami jak lepšaja mastackaja stužka była adznačana karcina «Prahulščyki» Lavana Kahuašvili (Hruzija).
Śpiecyjalny pryz vykanaŭčaha kamiteta SND «Kino bieź miežaŭ» uručyli kirhizskamu režysioru Aktanu Arym Kubatu za film «Vykradalnik śviatła».
Asobny pryz MDTRK «Mir» «Mova kino — mova parazumieńnia» atrymaŭ hruzinski režysior Rałand Barašvili za «Prystanak».
Śpiecpremii ad Biełaruskaha sajuza kiniematahrafistaŭ atrymali taksama stvaralniki filmaŭ «U vypadku razhiermietyzacyi» Sara Mun Chau (Bielhija) i «Zavarvaj harbatu» Volha Karotkaja (Rasija-Vialikabrytanija).
Śpiecyjalny pryz ad «Biełtelekamu» atrymała mastackaja stužka «Brat» vieniesuelskaha režysiora Marsela Raskina.
Uładalniki hałoŭnych pryzoŭ «Listapada» buduć ahučany siońnia ŭviečary na ŭračystym zakryćci kinafiestyvalu.
