Biełaruski režysior zaprošany na fiestyval u Niderłandy
Andrej Kuciła pradstavić svaju stužku «Dniuka».
Andrej Kuciła pradstavić svaju stužku «Dniuka» na Mižnarodnym fiestyvali dakumientalnaha kino ŭ Amsterdamie.
— Nazva syšła z vusnaŭ samich hierojaŭ. Ekvivalentu słovu «dniuka» ni ŭ vodnaj movie niama. Navat u biełaruskaj ciažka rastłumačyć hety miascovy dyjalekt. Jaho možna zrazumieć jak «pražyvańnie», «byćcio», ale z adcieńniem marudnaści i niby abyjakavaści, dzie hałoŭnaje — pražyć dzień. Tamu i ŭ anhlijskim varyjancie film nazyvajecca «Zabić dzień», — raspaviadaje režysior Andrej Kuciła.
Film byŭ źniaty dla telekahada «Biełsat». U im raspaviadajecca ab uzajemaadnosinach niemaładych žančyny i mužčyny ŭ paleskaj vioscy Łyšča. Sp. Puciła pasprabavaŭ akcentavać uvahu na biełaruskim falkłory i čałaviečych adnosinach.
«Heta žadańnie ŭ ciažkaściach bytu, svarkach i łajankach razhladzieć harmaničnyja adnosiny pamiž čałaviekam i pryrodaj, mužčynam i žančynaj».
Na jaho dumku, heta toje, čym možna zacikavić hledača ŭ Niderłandach.
U červieni film «Dniuka» atrymaŭ ŭznaharodu na Mižnarodnym fiestyvali rehijanalnych televizijaŭ u Košyce (Słavakija), a ŭ žniŭni staŭ najlepšym dakumientalnym filmam na Mižnarodnym kinafiestyvali niezaležnaha kino ŭ Lvovie (Ukraina).
Amsterdamski mižnarodny fiestyval dakumientalnaha kino projdzie 17-28 listapada.