U Paryžy aryštavali Žerara Depardjo
Francuzskaha akciora Žerara Depardjo zatrymali ŭ Paryžy z-za vyłučanych suprać jaho abvinavačvańniaŭ u seksualnym hvałcie, jon znachodzicca ŭ palicejskim učastku, paviedamlaje BFMTV.
Žerar Depardjo. Fota: Tristar Media / Getty Images
Akciora abvinavačvajuć u seksualnym hvałcie dźvie žančyny. Incydenty, ź ich słoŭ, adbylisia na zdymkach dvuch filmaŭ: u 2014 hodzie na zdymačnaj placoŭcy «Mah i sijamcy» (Magicien et les Siamois, 2015) i ŭ 2021 hodzie na zdymkach stužki «zialonyja akanicy» (Les Volets verts, 2022). Žerar Depardjo adchilaje abvinavačvańni.
Adna z zajaŭnic paviedamiła, što Depardjo, siedziačy ŭ kalidory, schapiŭ jaje za nohi i «zacisnuŭ jaje pamiž ściohnami», paśla čaho pačaŭ čapać jaje za intymnyja miescy i vykazvać prapanovy seksualnaha charaktaru. Na dapamohu žančynie pryjšli inšyja ŭdzielniki zdymačnaj hrupy.
Akciora prymusili vybačacca, ale niahledziačy na heta, na praciahu ŭsiaho nastupnaha pracesu zdymak jon abražaŭ paciarpiełuju i nazyvaŭ jaje «šluchaj».
Čytajcie taksama:
U Francyi pakazali film z hrubymi replikami Žerara Depardjo. I ŭ krainie vybuchnuŭ skandał
