Minabarony Rasii paviedamiła pra akupacyju dźviuch viosak u Charkaŭskaj i Danieckaj abłaściach
Minabarony Rasii adčytałasia ab uziaćci pad kantrol dvuch nasielenych punktaŭ: Kisłoŭka ŭ Charkaŭskaj vobłaści i Novakalinava ŭ Danieckaj.
Jandeks-karty
Minabarony Rasii paviedamiła ab zaniaćci dvuch nasielenych punktaŭ va Ukrainie. Padraździaleńni hrupoŭki vojskaŭ «Zachad» palepšyli stanovišča na «piarednim krai» i «ŭziali pad kantrol nasieleny punkt Kisłoŭka Charkaŭskaj vobłaści».
U toj ža čas vajskoŭcy Centralnaj hrupoŭki ŭziali Novakalinava ŭ Danieckaj vobłaści, siało raźmieščana na ŭschod ad Ačarecina, dadali ŭ Ministerstvie abarony Rasii.
Ačarecina, pra jakoje Minabarony Rasii raskazała 5 maja, raźmieščana na paŭnočny zachad ad Daniecka, ich padzialajuć kala 25 km. U im znachodzicca vuzłavaja čyhunačnaja stancyja Ačarecina na linii Danieck — Pakroŭsk i Pakroŭsk — Horłaŭka.
Čytajcie taksama:
U «DNR» rasijski vajskoviec rasstralaŭ šaściarych sasłužyŭcaŭ i ŭciok sa zbrojaj
Rasijskija vojski zachapili Ačarecina ŭ Danieckaj vobłaści — Minabarony RF