«Zvarotaŭ usio bolš». Hihin anansavaŭ pierajmienavańnie vulicy Kalinoŭskaha ŭ Minsku
Miascovamu skvieru inšuju nazvu ŭžo prydumali.
Skvier, jaki znachodzicca ŭ Minsku na vulicy Kalinoŭskaha, nazvali «Jabłynievym». Sa słoŭ deputata Vadzima Hihina, heta zrabili dla taho, kab adyści ad narodnaj nazvy «Skvier na Kalinoŭskaha».
Učora ŭ skviery z nahody 55-hodździa Pieršamajskaha rajona vysadzili jabłyni, u mierapryjemstvie ŭziaŭ udzieł i Hihin.
U svaim telehram-kanale prapahandyst pachvaliŭsia, što ŭ biełaruskaj tapanimicy zastajecca ŭsio mienš miescaŭ, źviazanych z Kastusiom Kalinoŭskim — jaho Hihin čarhovy raz nazvaŭ «polskim revalucyjanieram-terarystam».
Hihin taksama anansavaŭ pierajmienavańnie vulicy Kalinoŭskaha. Jon zajaviŭ, što jamu nibyta pastupaje ŭsio bolš zvarotaŭ hramadzian z hetaj nahody, i jon upeŭnieny, što vulicu pierajmianujuć.
U śniežni himnaziju ŭ Śvisłačy, jakaja nasiła imia Kalinoŭskaha, pierajmienavali ŭ honar padpolščycy Praskoŭi Vasilenki.
Čytajcie taksama:
U Čarnihavie mohuć źjavicca vulica i zavułak Kastusia Kalinoŭskaha
Na vilenskich mohiłkach Rosy ŭšanavali Kalinoŭskaha i paŭstancaŭ. Padniali i biełaruski ściah FOTY
