U Prazie vypadkova zrabili abort zdarovaj žančynie, zbłytaŭšy jaje ź inšaj pacyjentkaj
Jak takoje mahło adbycca?
Ilustracyjnaje fota: Mike Harrington / Getty Images
Niepapraŭnuju pamyłku zrabili miedyki ŭniviersiteckaj kliniki hiniekałohii i akušerstva Bulovka ŭ Prazie. Jak paviedamlaje telekanał CNN Prima NEWS, 25 sakavika ŭ kliniku pastupili dźvie pacyjentki: adna pryjšła na płanavy ahlad pa ciažarnaści, druhaja — na vyskrabańnie. Jaho pravodziać žančynam, u jakich praciahły kryvaciok ci prablemy paśla rodaŭ. Vyskrabańnie taksama moža być vykarystana dla štučnaha pierapynieńnia ciažarnaści.
Abiedźvie dziaŭčyny azijackaha pachodžańnia i nie havorać na češskaj movie, pierakładčyka ŭ balnicy nie było.
Praz fatalnuju vypadkovaść daktary praviali apieracyju ciažarnaj žančynie. Jana straciła zdarovaje dzicia. Pa słovach pres-sakratara kliniki, incydent adbyŭsia ŭ vyniku surjoznaha parušeńnia i nievykanańnia praviłaŭ unutranaha rasparadku z boku supracoŭnikaŭ.
Univiersiteckaja klinika Bulovka. Skryn videa CNNPrimaNEWSCZ / YouTube
Pa danych CNN Prima News, supracoŭniki supravadzili ciažarnuju žančynu ŭ pałatu, dzie pacyjenty čakajuć prachodžańnia miedycynskaj pracedury. Prykładna praz paŭhadziny jaje advieźli ŭ apieracyjnuju, dzie jaje pryniała aniestezijałahična-reanimacyjnaje adździaleńnie, jakoje nie pravieryła birku na ruce. Pa słovach krynicy telekanała, u pacyjentki jaje navat nie było. Žančynu ŭsypili i praviali praceduru, i tolki tady doktar vyjaviŭ, što kalapłodnyja vody vyciekli i źjaviŭsia kavałačak pupaviny.
U ciapierašni čas piersanał, jaki maje dačynieńnie da trahiedyi, adchileny ad pracy. Balnica paprasiła prabačeńnia ŭ pacyjentki, jakaja straciła dzicia na 16-m tydni ciažarnaści, i pracuje nad tym, kab žančyna atrymała naležnuju kampiensacyju.
Ciapier u pryčynach žudasnaj pamyłki raźbirajucca śledčyja.
Čytajcie jašče:
U minskaj balnicy paśla ŭkołu raspaŭsiudžanaha antybijotyku pamior pacyjent
Dyjaloh moh być prykladna taki:
- Sionnia na abort troje, i navat adna azijatka, pa česku ni slova
- Nu i ladna. Pad narkozam jany ŭsie pa česku ni slova
I nixto nie čakaŭ, što ŭ českaj liakarni adnačasova mohuć akazacca až dźvie azijatki