U Mahilovie ŭračysta adkryli viertykalnuju viełaparkoŭku
Pieršuju ŭ Mahilovie viertykalnuju viełaparkoŭku pastavili, jak i abiacali raniej, 27 krasavika, da adkryćcia viełasiezona, piša Magilev.online.
Praŭda, zastajucca niajasnaści ź miescam kančatkovaj ustanoŭki. Papiarednie paviedamlałasia, što kanstrukcyja źjavicca kala handlovaha centra «Atryum», adnak siońnia parkoŭku prezientavali na mahiloŭskaj centralnaj płoščy Lenina. Vierahodna, paśla jaje pieraniasuć.
Novaja viełaparkoŭka vytvorčaści pradpryjemstva «Mahiloŭliftmaš» ujaŭlaje saboj viertykalna ŭstalavanaje koła z prymacavanymi svojeasablivymi kabinkami. Na kanstrukcyi vyšynioj čatyry mietry źmieścicca šeść rovaraŭ.
Zboku ad viełaparkoŭki znachodzicca ručny datčyk ruchu, z dapamohaj jakoha jana i zapuskajecca. Rovar treba budzie pastavić na parkovačnaje miesca i zamacavać ramianiami biaśpieki.
Hod tamu ŭ Mahilovie ŭstalavali niekalki šaścipaviarchovych viertykalnych aŭtaparkovak.
Čytajcie taksama:
U Mahilovie pastaviać viertykalnuju viełaparkoŭku. Jak jana vyhladaje?
U Minsku stali budavać płatnyja viełaparkoŭki. Jak jany vyhladajuć?
Pad Brestam milicyja pryšpilvaje pakinutyja biez nahladu rovary trosam ź birkaj
