Kiraŭnik adnaho z rajonaŭ Homiela i jaho namieśnica atrymali minimalnyja 3 hady kałonii, ale i tyja z adterminoŭkaj
Kiraŭnik Čyhunačnaha rajona Alaksandr Sivakoŭ i jaho namieśnica pa ekanamičnych pytańniach Natalla Žuk byli zatrymanyja ŭ pačatku 2023 hoda prosta na rabočych miescach.
Alaksandr Sivakoŭ
Čynoŭnikam inkryminavali pieravyšeńnie ŭłady ci słužbovych paŭnamoctvaŭ (č. 3 art. 426 KK). Pa hetym artykule možna atrymać ad 3 da 10 hadoŭ źniavoleńnia.
U milicejskaj haziecie «Na stražie» supracoŭniki HUBAZiKa pachvalilisia, što Sivakoŭ i Žuk atrymali pa 3 hady źniavoleńnia.
Adnak «Miedyjazona» znajšła infarmacyju pra prysud u Banku sudovych rašeńniaŭ.
Vyjaviłasia, što čynoŭnikam sapraŭdy dali pa 3 hady kałonii — ale z adterminoŭkaj na dva hady. Takim čynam, i Sivakoŭ, i Žuk, znachodziacca doma. Dyj sud jany čakali doma, znachodziačysia pad chatnim aryštam.
Alaksandr Sivakoŭ uznačalvaŭ administracyju Čyhunačnaha rajona Homiela ŭ 2019-2023. Pierad tym u 2010-2017 kiravaŭ dziaržaŭnym pradpryjemstvam pa ŭtrymańni daroh «HarSAP». Byŭ deputatam Homielskaha haradskoha savieta deputataŭ, a taksama členam vybarčych kamisij.
Natalla Žuk
Čytajcie taksama:
U Breście zatrymlivali i eks-mera Rahačuka, i abłasnoha kiraŭnika Šulejku
Čym admietnaja «Babuškina krynka», kiraŭnika jakoj zatrymali za karupcyju
Pajšoŭ pad sud dyrektar jašče adnaho dziaržaŭnaha pradpryjemstva