Pajšoŭ pad sud dyrektar jašče adnaho dziaržaŭnaha pradpryjemstva
4 kastryčnika ŭ Homielskim abłasnym sudzie adbudziecca razhlad spravy Vitala Siarhiejeviča Kraŭcova. Čałaviek ź mienavita takimi danymi byŭ da niadaŭniaha dyrektaram Śvietłahorskaj aharodninnaj fabryki, piša «Štodzień».
Śvietłahorskaja aharodninnaja fabryka. Ilustracyjnaje fota
U červieni 2022-ha hetamu haspadarniku navat vydali padziaku za šmathadovy i značny ŭniosak ad Śvietłahorskaha rajvykankama. Ciapier byłoha dyrektara abvinavačvajuć u atrymańni chabaru (art. 430 č. 2) i słužbovym padłohu (art. 430 č. 1).
Aharodninnaja fabryka mieścicca ŭ vioscy Jakimava Słabada Śvietłahorskaha rajona, jakaja faktyčna prylahaje da kambinata pa vytvorčaści bielenaj celułozy. Jana maje 665 ha adkrytaha i 6 ha zakrytaha hruntu i vyroščvaje bulbu, časnok, morkvu, cybulu i inšuju harodninu.
U 2022 hodzie aharodninnuju fabryku dałučyli da celułozna-kardonnaha kambinata. Jak tłumačyłasia na sajcie Kamiteta dziaržaŭnaj majomaści Homielskaha abłvykankama, «u pracesie vytvorčaści bielenaj celułozy vykarystoŭvajucca hradzirni dla achałodžvańnia technałahičnaj vady da tempieratury 30-40 hradusaŭ. Tempieratura vady na hradzirni 70-80 hradusaŭ. Kali atrymanuju enierhiju vykarystoŭvać jak druhasny resurs, heta dazvolić całkam zamianić enierhiju, jakuju nabyvaje «Śvietłahorskaja aharodninnaja fabryka», i źnizić sabiekošt harodniny ŭ 2 razy».
Čytajcie taksama:
Łukašenka za dva hady pamiłavaŭ tolki 52 čałavieki, heta 8% ad tych, chto źviartaŭsia
U Mahilovie asudzili fihuranta «spravy artapiedaŭ» Aleha Sarnackaha
Supracoŭniki bujnych chołdynhaŭ i zavodaŭ zatrymanyja za karupcyju pry zakupkach na biržy
