Supracoŭniki bujnych chołdynhaŭ i zavodaŭ zatrymanyja za karupcyju pry zakupkach na biržy
Milicyja spravazdačylisia pra zatrymańni i raskryćcio karupcyjnaj schiemy pry zakupkach mietałapradukcyi na Biełaruskaj univiersalnaj tavarnaj biržy.
Skryn videa MUS
Jak zajavili ŭ MUS, zatrymany zabieśpiačency šerahu chołdynhaŭ i zavodaŭ. Uzbudžanyja kryminalnyja spravy ŭ dačynieńni da siami čałaviek za atrymańnie i daču chabaraŭ, a taksama pasiarednictva ŭ pieradačy hrošaj. Ahulnaja suma niezakonnych uznaharodžańniaŭ skłała bolš za 90 tysiač rubloŭ.
Nazvy pradpryjemstvaŭ, a taksama sutnaść karupcyjnaj schiemy nie nazyvalisia.
Adnačasova pres-słužba MUS paviedamiła pra zatrymańnie načalnika i majstra ramontna-miechaničnaha cecha, a taksama inžyniera pa kamplektacyi abstalavańnia adnaho z barysaŭskich pradpryjemstvaŭ. Straty, jakija jany nanieśli — kala 13 tysiač rubloŭ.
