Baranavickamu ipešniku pahražaje da 12 hadoŭ turmy za «zakliki da sankcyjaŭ»
Spačatku 47-hadovamu Siarhieju Bunatu dali piatnaccać sutak za repost ažno z 2017 hoda.
Siarhiej Bunata. Fota ź jahonaj staronki Ukantakcie
Siarhieju Bunatu, kali mierkavać pa sacsietkach, 47 hadoŭ. Jon z Baranavičaŭ, mieŭ status indyvidualnaha pradprymalnika.
Siarhieja zatrymali 31 žniŭnia 2023 hoda. Spačatku — za repost u Adnakłaśnikach, jaki jon zrabiŭ jašče ŭ sakavika 2017 hoda. Heta publikacyja Biełsata z hrupy STOP LUKA pra Dzień Voli-2017. Za heta Siarhieju prasudzili piatnaccać sutak aryštu.
Repost, za jaki ŭpieršyniu sudzili Siarhieja
Paśla hetaha Bunata pierazatrymali pa kryminalnaj spravie. Jaho vinavaciać u «zaklikach da sankcyj». Heta moža być što zaŭhodna — ad kamientara ŭ sacsietkach da paviedamleńnia demakratyčnym siłam pra toje, što niechta abychodzić sankcyi.
Ciapier jamu pahražaje ad čatyroch da dvanaccaci hadoŭ turmy. Viadoma, što Siarhieja doma čakajuć niepaŭnaletniaja dačka i žonka.
«Naša Niva» — bastyjon biełaruščyny
PADTRYMAĆ
