Tysiaču biudžetnych miescaŭ vydzielać VNU Biełarusi dla rasijan, jakija zdali Adziny dziaržaŭny ispyt
Adnak paśla vučoby rasijskim hramadzianam pryjdziecca adpracavać dva hady na pradpryjemstvach abo ŭ arhanizacyjach Biełarusi
Rasijskija abituryjenty z 2024 hoda ŭpieršyniu zmohuć pastupać u biełaruskija VNU na biudžetnuju formu navučańnia pa vynikach Adzinaha dziaržaŭnaha ispytu (ADI), paviedamiŭ ministr adukacyi Biełarusi Andrej Ivaniec
Ministr nahadaŭ, što raniej hramadzianie Rasii, jakija zdali ADI, mahli pastupać u vyšejšyja navučalnyja ŭstanovy Biełarusi tolki na płatnuju formu, piša «Sputnik».
«U hetym hodzie my praduhledžvajem kala tysiačy (biudžetnych) miescaŭ dla dziaciej z Rasijskaj Fiederacyi», — skazaŭ Ivaniec na pres-kanfierencyi ŭ čaćvier.
Dvuchhadovaja adpracoŭka ŭ Biełarusi
Ministr udakładniŭ, što biudžetnyja miescy dla rasijskich hramadzian uvachodziać u kvotu biudžetnych miescaŭ dla biełarusaŭ.
«Heta asobnyja miescy, na jakija hramadzianie Biełarusi pretendavać nie mohuć (…) dźvie paralelnyja płyni, jakija pamiž saboj nie źviazanyja», — adznačyŭ kiraŭnik Minadukacyi.
Kali hetyja miescy nie zapaŭniajucca, to jany pierachodziać na ahulny konkurs dla biełaruskich hramadzian.
Pastupleńnie na biudžet praduhledžvaje dla rasijanaŭ tyja ž abaviazacielstvy, što i dla biełarusaŭ: paśla zakančeńnia vučoby im daviadziecca adpracavać dva hady na pradpryjemstvach abo ŭ arhanizacyjach Biełarusi.
Čytajcie taksama:
Minadukacyi nazvała daty ispytaŭ
Vypusknikam jašče dvuch licejaŭ dazvolili pastupać u svaje VNU biez ekzamienaŭ
Jak buduć prachodzić sumoŭi dla pastupleńnia ŭ VNU biez ekzamienaŭ
