Uradženiec Viciebščyny trymaŭ u Pieciarburhu na łancuhu 12-hadovuju dačku i źbivaŭ jaje
Chod śledstva kantraluje asabista kiraŭnik Śledčaha kamiteta Rasii Alaksandr Bastrykin.
Fota: prakuratura Sankt-Pieciarburha
U Pieciarburhu adpravili ŭ SIZA 43-hadovaha ŭradženca Viciebskaj vobłaści, jaki, pavodle viersii śledstva, sistematyčna źbivaŭ, utrymlivaŭ na łancuhu i pazbaŭlaŭ ježy svaju 12-hadovuju dačku, paviedamiŭ TASS. Padrabiaznaści historyi raskazvaje fontanka.ru.
43-hadovaha mužčynu adpravili ŭ SIZA na dva miesiacy. Jamu staviać u vinu katavańni ŭ dačynieńni da niepaŭnaletniaha. Pavodle viersii śledčych, abvinavačany sistematyčna nanosiŭ paboi małaletniaj dačce, maryŭ hoładam i ŭtrymlivaŭ na łancuhu ŭ pakoi kamunalnaj kvatery. Mužčynu pahražaje ad 3 da 7 hadoŭ pazbaŭleńnia voli.
Dziaŭčyncy 12 hadoŭ. Razam z baćkam jany žyli ŭ kamunalnaj kvatery. Nakont mietadaŭ vychavańnia palicejskija daviedalisia, kali dzicia trapiła ŭ balnicu. Inśpiektaru pa spravach niepaŭnaletnich dziaŭčynka raspaviała, što baćka rehularna padymaje na jaje ruku, ciahaje za vałasy i moža zamknuć u pakoi biez mahčymaści vyjści ŭ prybiralniu, pakinuŭšy tolki viadro.
Ciapier chod spravy kantralujuć prakuratura Čyrvonahvardziejskaha rajona Pieciarburha i staršynia SK Alaksandr Bastrykin.
Čytajcie taksama:
«Pajści nielha zastacca»: psichołah tłumačyć, ci varta zachoŭvać adnosiny
«Narešcie my razam»: dačka śviatara Burykina daravała jamu i vozić da jaho syna
U Viarchoŭnym sudzie raskazali ab pryčynach skasavańnia šlubaŭ
