Łukašenka zaćvierdziŭ Kodeks hramadzianskaha sudavodstva
Alaksandr Łukašenka 11 sakavika padpisaŭ Kodeks hramadzianskaha sudavodstva. Hety dakumient «zaklikany ŭstalavać adzinyja praviły razhladu hramadzianskich i ekanamičnych spraŭ u sudach», paviedamiła jahonaja pres-słužba.
U kodeksie «vyznačajucca ahulnyja pałažeńni pa razhladzie adpaviednych katehoryj spraŭ: pryncypy sudovaj dziejnaści, padviedamasnaść, pravy i abaviazki ŭdzielnikaŭ pracesu i inšaje».
Paviedamlajecca, što ŭ dakumiencie «zamacavany šerah navacyj, nakiravanych na pavyšeńnie efiektyŭnaści hramadzianskaha sudavodstva», u pryvatnaści, «prymianieńnie elektronnych dokazaŭ, dalejšaj ličbavizacyi sudovaha pracesu, uviadzieńnie instytuta kalektyŭnych pazovaŭ, sproščanaje sudavodstva».
«Dla zabieśpiačeńnia naležnaj abarony pravoŭ i zakonnych intaresaŭ hramadzian i subjektaŭ haspadarańnia praduhledžvajecca pierachod usich sudoŭ da pierahladu sudovych pastanoŭ pa troch instancyjach (apielacyja, kasacyja i nahlad)», — havorycca ŭ paviedamleńni.
Akramia hetaha, dakumientam «pašyrajecca vykarystańnie pazasudovych sposabaŭ urehulavańnia sprečak — z dapamohaj miedyjacyi, pieramoŭ, prymirenčaj pracedury». Hetyja miery, jak zajaŭlajecca, buduć «sadziejničać samastojnamu vyrašeńniu bakami spravy na ŭzajemavyhadnych umovach».
Kodeks ustupaje ŭ dziejańnie z 1 studzienia 2026 hoda.
Čytajcie taksama:
U studzieni pa kryminalnych palityčnych spravach sudzili minimum 120 čałaviek
Skarektavali zakon «Ab movach» u śfiery afarmleńnia dakumientaŭ, sudavodstva i movy adukacyi
«Heta nie pra pakarańnie, a pra zapužvańnie». Navošta patrebny damokłaŭ mieč ekstremizmu?
