U Varšavie zatrymali žančynu, jakaja napała i źbiła biełarusku
Jaje abvinavacili ŭ abrazie asoby i parušeńni cialesnaj niedatykalnaści z-za nacyjanalnaj prynaležnaści, z chulihanskich mierkavańniaŭ, paviedamlaje Polskaje radyjo.
Skrynšot videa Warsaw.here
«Žančyna, pačuŭšy razmovu hramadzianki Biełarusi, abraziła jaje, vykarystaŭšy abraźlivyja i niecenzurnyja słovy ŭ dačynieńni da jaje pachodžańnia, i pa toj ža pryčynie parušała jaje cialesnuju niedatykalnaść, ciahajučy za vopratku i vałasy, plujučy ŭ jaje bok. Adrazu paśla taho, jak jana pakinuła miesca, u adździaleńnie palicyi pastupiła paviedamleńnie ab mahčymaści ździajśnieńnia pravaparušeńnia», — raskazała pradstaŭnica palicyi z rajona Vola.
Jana adznačyła, što supracoŭniki ŭziali zapisy z kamier videanazirańnia i zapis vypadku ŭ internecie.
34-hadovaja złamyśnica znachodzicca ŭ rajonie Bemova. U aŭtorak jaje zatrymali i dastavili ŭ palicyju. Na jaje zaviedziena kryminalnaja sprava za abrazu asoby i zamach na cialesnuju niedatykalnaść pavodle nacyjanalnaj prynaležnaści i z chulihanskich namieraŭ. Za heta złačynstva praduhledžana pakarańnie ŭ vyhladzie pazbaŭleńnia voli na termin da troch hadoŭ.
Incydent adbyŭsia ŭ kancy krasavika. 22-hadovaja dziaŭčyna išła ź siabroŭkaj, kali na jaje napała pjanaja žančyna, jakaja išła z mužčynam. Ahresar vulharna zahadvała joj viartacca va Ukrainu, miarkujučy, što žančyna, jakaja razmaŭlaje pa-rusku, rodam adtul. Biełaruska atrymała traŭmu hałavy.
Čytajcie taksama: