Zavod Tesla pad Bierlinam spyniŭ svaju pracu z-za pažaru — ekaaktyvistaŭ padazrajuć u padpale
Kala 4:50 ranicy razdaŭsia hučny vybuch i zaharełasia padstancyja Štajnfurt kala zavoda Tesla.
Zatym ahoń pierakinuŭsia na aporu elektrapieradačy, što vyklikała bujnoje adklučeńnie elektraenierhii. Biez elektryčnaści zastalisia zavod, horad Erknier i niekatoryja rajony Bierlina, piša Bild.
Ekstrannyja słužby byli zmušanyja na čas spynić pracu, kali pobač z padpalenym transfarmataram byŭ vyjaŭleny namiot ekaaktyvistaŭ z nadpisam «Tut zakapanyja vybuchovaniebiaśpiečnyja pradmiety!» Palicyja i pažarnaja słužba zmohuć viarnucca da pracy paśla taho, jak śpiecyjalisty pa ŭzryŭčatcy abšukajuć miesca pažaru i abvieściać jaho biaśpiečnym.
Z čaćviarha ad 80 da 100 aktyvistaŭ zaniali častku lesu ŭ Brandenburhu kala zavoda Tesla. Kampanija płanuje vysiečku dreŭ u vypadku pašyreńnia svajoj terytoryi, aktyvisty vystupajuć suprać hetaha.
Čytajcie taksama:
Ekaaktyvisty ablili supam «Mona Lizu» Leanarda da Vinčy
