«Krym ubačyŭ, nakolki my pobač». Zialenski ŭ hadavinu vyzvaleńnia Chiersona zhadaŭ pra paŭvostraŭ
Prezident Ukrainy skazaŭ, što Uzbrojenyja siły Ukrainy ŭžo pobač z časova akupavanym Krymam, i zaklikaŭ ukraincaŭ dziakavać usim datyčnym da budučaj pieramohi. U svaim videazvarocie kiraŭnik ukrainskaj dziaržavy nahadaŭ, što siońnia — pieršaja hadavina vyzvaleńnia Chiersona ad rasijskaj akupacyi, piša UNIAN.
«Horad-hieroj. Horad-simvał. Horad-nadzieja. Horad našych ludziej, jakija nie padparadkavalisia varožaj sile i natchniali svaim supracivam usich nas i ŭvieś śviet. Heta našy sinia-žoŭtyja ściahi, jakija znoŭ i znoŭ davodzili na chiersonskich vulicach i ŭ mnohich damach i kvaterach, što Ukraina — adzinaja. Usia — ad paŭnočnaj miažy da našaha mora», — skazaŭ jon.
Zialenski padkreśliŭ, što chiersoncam daviałosia pravieści miesiacy biez suviazi, bieź infarmacyi, ale «ź vieraj va Ukrainu». Jon taksama padkreśliŭ, što horad byŭ vyzvaleny namahańniami mnohich ludziej, jakija ratavali, dapamahali i nabližali hetuju padzieju.
«I, viadoma, heta emocyi — heta asablivyja emocyi, kali bačyš, jak svaje viartajucca, i kali viedaješ, što Ukraina hetak ža, jak pra Chierson, nie zabyvaje pra svaje harady i vioski, jakija zaniatyja voraham», — dadaŭ prezident Ukrainy.
Pa jahonych słovach, uvieś poŭdzień Ukrainy letaś pierakanaŭsia, što Rasija nikoli nie prychodzić «nazaŭždy», kolki b razoŭ jana heta nie paŭtarała, a Ukraina zaŭsiody viartajecca.
«Kali viedajem našu metu. Kali heta ahulnaja meta. Kali my ŭ adzinstvie. I kali abjadnoŭvajem inšych vakoł ukrainskaj mety. Siońnia adna z hadavin, jakija farmujuć našu ŭkrainskuju ŭpeŭnienaść, što my možam», — udakładniŭ Zialenski.
Jon taksama nahadaŭ, što dziakujučy Chiersonskaj apieracyi pravy bierah Dniapra byŭ ačyščany ad akupantaŭ, a USU tady vyzvalili značnuju častku Chiersonskaj vobłaści, dadali abarony Mikałajevu, Adesie, inšym haradam i siołam na poŭdni i zamacavali pośpiech Ukrainy ŭ bitvie za Čornaje mora.
«Krym tady va ŭśmieškach chiersoncaŭ, u słovach radaści — kali sustrakali našych voinaŭ, — Krym adčuŭ i svaju budučyniu, ubačyŭ, nakolki my pobač», — skazaŭ kiraŭnik dziaržavy.
Zialenski taksama dadaŭ, što hanarycca ŭsimi ŭkrainskim vajarami, jakija zmahalisia letaś, i ŭsimi, chto ciapier viadzie Ukrainu takim ciažkim, pakutlivym, ale žyćciova patrebnym marafonam da harantavanaj svabody.
«Niezaležnaść, jakaja maje siłu pierachodzić ad pakaleńnia da pakaleńnia, nabyvajecca mienavita ŭ bajach, čerpaje enierhiju ŭ adzinstvie naroda i zahartoŭvaje svoj duch mienavita tady, kali čuje padziaku vyzvalenych ad voraha ludziej — tych, chto čakaŭ Ukrainu, i čyja viera spraŭdziłasia», — adznačyŭ jon.
Zialenski padkreśliŭ, što Rasija ŭvieś hety hod pomścić za svabodu Chiersonu i inšym vyzvalenym haradam.
«Balistyka suprać Kijeva, drony i rakiety suprać Adeskaj, Charkaŭskaj. Śviadomyja ździeki ad voraha. Kožny dzień! Ale nivodnaha dnia našaha adčaju! Nichto z nas nie pavinien lehkadumna stvicca da voraha, što suprać nas. Ukraina viedaje, što vorah nie słaby. Ale Ukraina ŭmieje jaho pieraadolvać», — skazaŭ Zialenski.
Ukrainski lidar zaklikaŭ ukraincaŭ siońnia padziakavać usim, chto svaju siłu i svajo žyćcio pastaviŭ na abaronu Ukrainy i ŭkraincaŭ, chto vajuje ciapier, chto trenirujecca, kab papoŭnić bajavyja bryhady, i chto pracuje ciapier, kab u voinaŭ byli snarady i zbroja, brania i avijacyja, SPA i REB.
«Naša žyćcio, jakoje abaviazkova atrymaje pieramohu. Słava Ukrainie», — padsumavaŭ jon.
Čytajcie taksama (naviny za 11 listapada 2022 hoda)
U centry Chiersona ŭžo źbirajucca žychary, čakajuć vyzvalicielaŭ
Ukrainskija vojski ŭvajšli ŭ Chierson
Chierson sustreŭ ukrainskija vojski kvietkami i ściahami. U Rasii pryhniečanaść i sumnievy
