Prezident Łatvii nazvaŭ try faktary, jakija prymusiać Kreml spynicca va Ukrainie
Edhar Rynkievič miarkuje, što padziei va Ukrainie nie mohuć razhortvacca «jak u halivudskim filmie ź dźviuma hadzinami padziej i raźviazkaj za 20 chvilin».
Fota: Richard Drew / AP
Prezident Łatvii Edhar Rynkievič miarkuje, što rasijskaje kiraŭnictva prymusiać zadumacca ab spynieńni vajny try faktary, piša «Jeŭrapiejskaja praŭda».
Rynkievič zaznačyŭ, što padziei va Ukrainie nie mohuć razhortvacca «jak u halivudskim filmie ź dźviuma hadzinami padziej i raźviazkaj za 20 chvilin».
Na jahonuju dumku, «ciapier stratehija Rasii — prosta praciahvać vajnu ŭ nadziei, što my ŭsie stamilisia», tamu ŭsim «treba praciahvać padtrymlivać Ukrainu ŭsim čym možam i taksama pakłapacicca pra ŭłasnuju abaranazdolnaść».
Prezident Łatvii nazvaŭ try faktary, jakija mohuć prymusić Kreml zadumacca ab spynieńni vajny.
«Pa-pieršaje, heta ŭśviedamleńnie, što Zachad hatovy padtrymlivać Ukrainu niezaležna ad taho ci inšaha pavarotu padziej. Pucin razumieje, što nie zmoža supraćstajać sukupnamu ekanamičnamu patencyjału ZŠA, Kanady i ES.
Pa-druhoje, sajuźniki Ukrainy pavinny pakazać, što poŭnyja rašučaści pavialičyć abaronny pramysłovy patencyjał i vyrablać usie snarady, bojeprypasy, rakiety, bieśpiłotniki i tanki, u jakich maje patrebu Ukraina, papaŭniajučy pry hetym svaje ŭłasnyja zapasy.
Pa-treciaje — heta prahres Ukrainy na poli boju, jaki prademanstruje Rasii, što ŭsie mary ab paŭtornym zachopie ŭžo vyzvalenych Ukrainaj terytoryj biessensoŭnyja».
Čytajcie taksama:
Siejm Łatvii ŭchvaliŭ zabaronu ruskaj movy ŭ hramadskich ŚMI
Prezident Łatvii patłumačyŭ, čamu jon daje intervju ruskamoŭnym miedyja pa-łatyšsku
