Padalak zajaviŭ, što rasijskija dobraachvotniki, jakija robiać dyviersii na terytoryi Rasii, bolš nie ŭvachodziać u skład USU
Daradca Ofisa prezidenta Ukrainy Michaił Padalak zajaviŭ, što rasijskija dobraachvotniki bolš nie znachodziacca ŭ składzie USU. A Ukraina prosta daje im svaju terytoryju dla dysłakacyi.
Bajcy Ruskaha dobraachvotnickaha korpusa. 24 maja 2023 h. Fota: «Suśpilnie Sumy»
Michaił Padalak zajaviŭ, što na pačatku vajny ŭ bajcoŭ Ruskaha dobraachvotnickaha korpusa (RDK) sapraŭdy byli padpisanyja kantrakty ź Internacyjanalnym lehijonam Ukrainy, adnak hetyja kantrakty skončylisia. Z tych časoŭ jany ličacca niezaležnaj strukturaj.
Ukraina ža nie suprać pradastaŭlać terytoryju im, jak i inšym nacyjanalnym hrupam, jakija zmahajucca suprać rasijskaj ułady.
Na pytańnie, skul u rasijskich dobraachvotnikaŭ zbroja i technika, Padalak adkazaŭ, što niešta jany «nazapasili» padčas słužby va USU, niešta — trafiejnaje, z terytoryi Rasii.
Jon prahnazuje, što hetaj zbroi, jak i kolkaść ludziej u RDK, budzie ŭsio bolš. Ukraina budzie dapamahać im zmahacca z rasijskimi ŭładami «kansultacyjna».
Padalak miarkuje: kolkaść ludziej u RDK moža ŭzraści ŭ nastupnyja miesiacy, mahčyma navat da piaci tysiač čałaviek.
Jon pahražaje, što kali Rasija nie pakinie terytoryju Ukrainie, u samoj Rasii moža pačacca «chaatyzacyja», značnuju rolu ŭ jakoj jon advodzić RDK.
Ruskija dobraachvotniki hučna zajavili pra siabie ŭ mai, kali zrabili dyviersii na terytoryi Branskaj vobłaści i Biełharodskaj.
Čytajcie taksama:
Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści
Nastojliva raju aznajomicca z tym, što heta za ruch taki "votaniuhiend", vychadcami ź jakoha źjaŭlajecca RDK, i jakaja ŭ ich hruntovaja ideja. Heta samyja etałonnyja rasiejskija nacyki z takim chardkornym miesivam łuchty i šavinizmu ŭ hałavie, što ačmurejecie. Kali koratka ab ich śvietapohladzie, to heta kupa zihanutych na ŭsiu hałavu šałaŭ, uharajučych pa rejchu, hiermanizmu i skandynaŭskim mifam, a taksama pa alternatyŭnaj historyi a-la Ren-TV, napisanaj roznymi šyzami, i pradvihajučyja tezu ab "tryadzinym ruskim narodzie z praradzimy Tule".
Ja čarhovy raz padkreślu, što adzinaja padstava, čamu jany na baku Ŭkrainy ŭ hetaj vajnie - heta toje, što zmahańnie na jaje baku ŭ dadzieny momant spryjaje ich metam. Ale mety i vorahi ŭ ich adroźnivajucca. Meta Ŭkrainy - abarona svajoj krainy, pieramoha ŭ vajnie, i trybunał nad rasiejaj paśla vajny, a vorah - sama rasieja. Dziela votaniuhiend i RDK meta - źmiena palityčnaha ładu ŭ rasiei na nacyjanał-sacyjalizm pad brendam "tryadzinstva", a voraham jany ličuć vyklučna ład pucina, i "zachodnija kaštoŭnaści".