Bajden: Šviecyja skora stanie siabram NATO, ja abiacaju
Prezident ZŠA zajaviŭ, što Šviecyja ŭ najbližejšy čas stanie novym siabram NATO. Pra heta jon skazaŭ padčas vystupu ŭ Akademii VPS ZŠA, paviedamlaje «Jeŭrapiejskaja praŭda».
Džo Bajden. Fota AP
U svajoj pramovie amierykanski prezident padkreśliŭ, što NATO stanovicca macniejšym i bolš zhurtavanym.
Jon dadaŭ, što Aljans jašče bolš umacavaŭsia dziakujučy ŭstupleńniu Finlandyi, a nieŭzabavie i Šviecyi.
«NATO stanovicca bolš mahutnym i bolš zhurtavanym, čym za apošnija dziesiacihodździ, i ciapier stanie jašče macniejšym z ustupleńniem u Aljans našaha novaha siabra, Finlandyi, a nieŭzabavie i Šviecyi, jaki adbudziecca jak maha chutčej. Heta adbudziecca. Ja vam abiacaju», — adznačyŭ Bajden.
Napiaredadni hienieralny sakratar NATO Jens Stołtenbierh paviedamiŭ, što na hetym tydni jon havaryŭ z prezidentam Turcyi Redžepam Taipam Erdahanam i padkreśliŭ važnaść dasiahnieńnia prahresu ŭ pytańni ŭstupleńnia Šviecyi.
Jak viadoma, pratakoł ab ustupleńni Šviecyi ŭ NATO nie ratyfikavali tolki dźvie krainy — Vienhryja i Turcyja.
Čytajcie taksama:
Bajden miakka paraiŭ Erdahanu nie błakavać ustupleńnie Šviecyi ŭ NATO
