Znajści
Ałharytmičny łacinski varyjant
28.05.2023 / 11:118RusŁacBieł

Što rabić čałavieku, kali jaho atakuje varona?

Zaraz pačaŭsia siezon, kali darosłyja šeryja varony mohuć pavodzicca ahresiŭna. Ich ptušaniaty vyskokvajuć z hniazda, ale pakul jašče nie lotajuć. Baćki achoŭvajuć ich: hučna karkajuć, kali ludzi prachodziać pobač, a časam navat atakujuć. Jak treba siabie pavodzić u takich situacyjach, raić telehram-kanał «Dzikaja pryroda pobač».

Podletak šeraj varony

Pa-pieršaje, nie treba nadta chvalavacca: varona nie moža surjozna paranić čałavieka, chiba tolki padrapaje skuru. A karkać i napadać na varon u adkaz nie treba. 

Zamiest hetaha varta ahledziecca: moža, kala darohi ci ściežki ŭ travie siadzić ptušania. Tady možna pieranieści jaho na 20—30 mietraŭ dalej ad ludziej.

Rabić heta, adnak, treba aściarožna, bo varony buduć napadać, kali čałaviek voźmie ptušania ŭ ruki. Tamu treba zachinuć hałavu parasonam abo prykryć šapkaj ci kapiušonam. Chvalavacca za los ptušaniaci nie treba: jano nie zhubicca, baćki jaho znojduć.

U Aŭstralii, darečy, miesca hniezdavańnia ahresiŭnych miascovych sarok na čas vyletu ptušaniat admysłova adznačajuć u haradach, kab ludzi viedali heta i abychodzili takija miescy.

Uvohule ž, sutyknuŭšysia z paraj niervovych varon-baćkoŭ, varta viedać: praz 3—4 dni jany sami pakinuć tvoj dvor.

Ptušaniatam varon, jakich u vyvadku byvaje da piaci, patrebna ŭsiaho niekalki dzion, kab navučycca lotać. 

Čytajcie taksama:

Varta pryhladacca da ptušak na palach. Mahčyma, atrymajecca zafiksavać siensacyju

Na Homielščynie zaŭvažyli vielmi redkuju dla Biełarusi ptušku

Ptuški niaredka sutykajucca z šybami, asabliva padčas mihracyj. Jak im pamahčy ŭratavacca?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
feafania/adkazać/
28.05.2023
ti, kaŭka (Corvus monedula)
0
ti/adkazać/
28.05.2023
pieršy raz čuju - kaŭka...
dyk varony moža nie na Kazika palavali, a na paranienaje kaŭčania?

nie tak daŭno viartajusia damoŭ i baču na prajeździe niejkuju ptušynuju mituśniu. ptušku źbili? zdahadvajusia. padychodžu bližej i baču sapraŭdy trupik hołuba, da jakoha padskokvajuć saroki, vychoplivajuć adtul kavałki miasa i niasucca ź imi ŭ kusty
ja trochi ŭ šoku... choć i niemaładaja ŭžo, ale niejkija ramantyčnyja ŭjaŭleńni ab hetym śviecie peŭna ŭsio ž prysutničajuć)
prychodžu damoŭ i pytaju ŭ svaich:
- a što praŭda, što saroki takija drapiežniki?
muž irže) a syn kaža:
- mam, ja ciabie bolš skažu - navat vierabji drapiežniki ))
0
Žvir/adkazać/
28.05.2023
Paru hadoŭ tamu trymali varanio ŭ chacie. Znajšli małoje, u parku, z paškodžanym kryłcam. Noč jano nie pieražyła b, kašačaja bratva ŭpilnavała b. Nievierahodna razumnaje stvareńnie, cikaŭnaje, z cudoŭnaj pamiaćciu, vydatna zasvojvała kamandy, usich adroźnivała pa hołasie j z kožnym pavodziła siabie pa-roznamu. :) Jak vieterynar nie ščyravaŭ, kryło tak i nie adnaviła svaju funkcyjanalnaść, padarośleŭšy lotać ptuška nie mahła. Advieźli varonu da adnoj fiermierki, jakaja svojskaj ptuškaj zajmajecca. Taja ŭładkavała jaje, jana j žyła z kurami, vutkami dy husiami. Nikoha nie atakavała, vielmi siabroŭskaja j čałaviečaja stvareńnie...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera