Pavietranyja siły Ukrainy źniščyli 16 z 22 rasijskich «Šachiedaŭ» i 3 z 6 «Kalibraŭ»
Hetaj nočču Rasija znoŭ abstralała Ukrainu, u tym liku Kijeŭ.
Rasija atakuje Ukrainu rakietami i dronami pa načach. Skrynšot
Na praciahu načnoj ataki siłami i srodkami supraćpavietranaj abarony pavietranych kamandavańniaŭ «Centr», «Zachad» i «Poŭdzień» Pavietranych sił Ukrainy źniščany try kryłatyja rakiety i 16 udarnych dronaŭ.
Akupanty atakavali Ukrainu z paŭnočnaha i paŭdniova-ŭschodniaha kirunkaŭ udarnymi dronami «Shahed-136/131» i kryłatymi rakietami «Kalibr» z karabloŭ u Čornym mory.
Usiaho byli zafiksavany puski 22 «Šachiedaŭ» i šaści «Kalibraŭ».
U vyniku načnoha ŭdaru pa horadzie Kryvy Roh Dnieprapiatroŭskaj vobłaści paškodžańni atrymali pamiaškańni pryvatnaha pramysłovaha pradpryjemstva i administracyjny budynak, dva čałavieki atrymali ranieńni.
Taksama paviedamlałasia, što ŭ Lvovie padčas pavietranaj tryvohi prahrymieŭ vybuch — ułady abjavili ab pracy SPA ŭ vobłaści.
Kijeŭskija ŭłady paviedamili, što siły supraćpavietranaj abarony hetaj nočču źniščyli ŭsie varožyja celi, jakija ruchalisia ŭ napramku stalicy, piša «Ukrainskaja praŭda».
