U Kazachstanie stali bolš bajacca, što na ich napadzie Rasija
Kolkaść hramadzian Kazachstana, jakija miarkujuć, što Rasija moža ŭvarvacca ŭ ich krainu na fonie vajny va Ukrainie, vyrasła za apošnija šeść miesiacaŭ udvaja. Pra heta śviedčyć apytańnie, praviedzienaje niaŭradavymi arhanizacyjami MediaNet i PaperLab.
Pavodle apytańnia siarod 1100 respandentaŭ, jakoje pravodziłasia z 3 da 12 maja, amal 60% kazachstancaŭ niejtralna staviacca da vajny va Ukrainie, 12,8% padtrymlivajuć Rasiju, a 21,1% — Ukrainu, piša Reuters.
U toj ža čas, kolkaść ludziej, jakija ličać, što Rasija moža ŭvarvacca ŭ Kazachstan, vyrasła z 8,3% da 15%. Amal tracina respandentaŭ zajaviła, što ich usprymańnie Rasii pahoršyłasia praz vajnu va Ukrainie, bolš za pałovu zajavili, što jano nie źmianiłasia, i tolki 4,7% skazali, što jano palepšyłasia.
U Kazachstanie žyvie kala 3 miljonaŭ etničnych ruskich, kraina maje samuju doŭhuju ŭ śviecie bieśpierapynnuju suchaputnuju miažu z Rasijaj.
Čytajcie taksama:
Prezidentka Małdovy: Kali Rasija napadzie, ja zastanusia ŭ krainie
ES paćvierdziŭ płany pa sankcyjach suprać trecich dziaržaŭ, jakija dapamahajuć Rasii z tavarami
Rasija nie budzie pradavać Kazachstanu haz tańniej, čym Biełarusi — «Hazpram»
