Źjaviłasia infarmacyja pra paŭtornaje zatrymańnie Ramualda Ułana, jaki tolki-tolki vyzvaliŭsia. Ale paśla jana nie paćvierdziłasia
U praŭładnym telehram-kanale źjaviłasia videa sa smarhonskim aktyvistam Ramualdam Ułanam, jaki tolki na minułym tydni vyzvaliŭsia sa źniavoleńnia pa amnistyi. U videa Ramuald kaža, što byŭ zatrymany za toje, što zachoŭvaŭ na telefonie materyjały z «ekstremisckaj» simvolikaj, napisała «Viasna».
Były zasnavalnik i vydaviec «Novaj haziety Smarhoni» Ramuald Ułan u studzieni 2021 hoda byŭ asudžany da 2,5 hoda «chimii». Smarhoncu pastavili ŭ vinu toje, što jon nibyta raspaŭsiudziŭ zaviedama niepraŭdzivyja źviestki, jakija hańbiać honar i hodnaść milicyjanieraŭ. Na minułym tydni stała viadoma, što jaho vyzvalili pa amnistyi.
Akramia Ułana, jak vynikała z hetaha samaha videja, było taksama zatrymana jašče 5 čałaviek, siarod jakich jašče adzin były palitviazień — Dźmitryj Paŭtarak.
Adnak ža krychu paźniej vyjaviłasia, što nasamreč Ramualda Ułana siońnia nie zatrymlivali. Infarmacyja ž pra jaho i inšych zatrymańnie źjaviłasia tamu, što tolki siońnia siłaviki vykłali ŭ svaich kanałach videa, źniataje peŭny čas tamu, kali spadar Ułan jašče znachodziŭsia na «chimii».
Apieratyŭna praviarać takuju infarmacyju ŭ ciapierašnich umovach pravaabaroncy, na žal, nie zaŭsiody ŭ stanie.
Čytajcie taksama:
Pryznali «ekstremisckim farmavańniem» sajt Most i jaho kiraŭnika
