Vyjšła na volu palitźniavolenaja Ludmiła Kirylenka
Pra toje, što palitźniavolenaja sa Žłobina Ludmiła Kirylenka ŭžo na voli, daviedałasia vydańnie «Svabodny Žłobin».
Ludmiła Kirylenka — pradprymalnica, maje dvaich dziaciej. Była zatrymanaja 19 studzienia 2022 hoda pa kryminalnaj spravie, raspačataj paśla akcyj pratestu ŭ Žłobinie ŭ žniŭni 2020 hoda. U žančyny doma praviali pieratrus, advieźli ŭ SK Žłobina na dopyt, a zatym źmiaścili ŭ izalatar.
Praź niekalki dzion jaje pieraviali ŭ homielski SIZA i pradjavili abvinavačvańnie pa art. 342 Kryminalnaha kodeksu (hrupavyja dziejańni, jakija hruba parušajuć hramadski paradak).
22 krasavika 2022 hoda sud Žłobinskaha rajona pastanaviŭ pakarać žančynu pazbaŭleńniem voli ŭ kałonii ahulnaha režymu terminam na paŭtara hoda. Sudziŭ Kirylenku sudździa Jaŭhien Jerafiejeŭ.
U žniŭni 2022 hoda palitźniavolenuju pieraviali ź SIZA-3 dla adbyvańnia pakarańnia ŭ homielskuju kałoniju №4.
Čytajcie taksama:
Zatrymali minskaha videohrafa — HUBAZiK śćviardžaje, što na jaho danieśli susiedzi
«Ja zdolnaja pieražyć amal usio». Dva z pałovaj hady Kaciaryna Andrejeva ŭ źniavoleńni
