Zatrymali minskaha videohrafa — HUBAZiK śćviardžaje, što na jaho danieśli susiedzi
Siłaviki vinavaciać mužčynu ŭ tym, što jon ładziŭ dvarovyja akcyi.
Maksim Chiekała. Fota: jaho staronka va ŭkantakcie
Zatrymanym akazaŭsia 28-hadovy Maksim Chiekała. Rodam jon z Bresta, ale paśla pajechaŭ vučycca ŭ Minsk i skončyŭ Minski dziaržaŭny enierhietyčny kaledž u 2015 hodzie.
Mužčyna prafiesijna zajmajecca stvareńniem videa i fotazdymkaj — siarod jaho klijentaŭ byŭ futbolny kłub «Krumkačy» (ale chłopiec tam nie pracuje). Taksama Maksim maje biznes pa arendzie kaściuma pandy dla viečaryn i inšych mierapryjemstvaŭ, ale čas ad času ładzić ź im i dabračynnyja mierapryjemstvy, da prykładu, dla dziciačych damoŭ.
Viadoma, što Maksima zatrymlivali padčas «Marša adzinstva» 6 vieraśnia 2020 hoda. U videa siłavikoŭ jon kaža, što paśla nibyta ładziŭ «partyzanskija» akcyi ŭ svaim dvary i vakolicach — vyviešvaŭ nacyjanalnyja ściahi i stužki ŭ nacyjanalnych kolerach. Kali vieryć HUBAZiKu, na Maksima Chiekału danios niechta z susiedziaŭ.
Čytajcie taksama:
Voś pa čyim danosie zatrymali dyrektarku turystyčnaha ahienctva «Vijapol»
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
