Akcyju polskich dalnabojnikaŭ na biełaruskaj miažy spynili miascovyja ŭłady
Akcyja pratestu na pamiežnym punkcie propusku «Kukuryki»(na biełaruskim baku «Kazłovičy») skončyłasia. Polskija ŭłady pryniali rašeńnie ab razbłakavańni hetaha ŭčastka miažy, niahledziačy na niezadavolenaść miascovych pieravozčykaŭ, paviedamiła Polskie Radio Lublin.
Fota: radio.lublin.pl
Akcyja pratestu pačałasia 9 maja, dazvoł na jaje praviadzieńnie dziejničaŭ da 9 červienia. Ale miascovyja ŭłady vyrašyli spynić jaje raniej.
«My aznajomilisia ź mierkavańniem palicyi, — patłumačyła sakratarka Ciarespalskaj hminy, na terytoryi jakoj znachodzicca pierachod, Danuta Vaŭčeniak. — Isnuje pahroza žyćciu i zdaroŭju ludziej, darožnamu ruchu, akramia taho, majucca pratesty miascovych žycharoŭ».
Jak paviedamili arhanizatary akcyi, pieravozčyki buduć abskardžvać rašeńnie čynoŭnikaŭ u sudzie. I kali vyjhrajuć, to pratest adnovicca ŭ paniadziełak, 15 maja.
Raniej urad Polščy, uličvajučy mierkavańnie svaich pieravozčykaŭ, źviarnuŭsia ŭ Jeŭrakamisiju z prapanovaj uklučyć u novy pakiet sankcyj ES zabaronu na rehistracyju transpartnych kampanij ź Biełarusi i Rasii.
Čytajcie taksama:
U čarzie na ŭjezd u Biełaruś z boku Polščy — kala 1000 fur
Polskija dalnabojniki pačali akcyju pratestu na miažy ź Biełaruśsiu
Jeŭrapiejskija pieravozčyki hublajuć cikavaść da zapraŭki ŭ Biełarusi. Čamu?
