Rasijanie papali ŭ skład z humanitarnaj dapamohaj u Adesie. Zhareła ŭsio
U vyniku rasijskaha abstrełu Adeskaj vobłaści ŭ niadzielu byŭ razburany skład z humanitarnaj dapamohaj Čyrvonaha Kryža, akazańnie dapamohi prypynienaje, paviedamlaje «Ukrainskaja praŭda».
Źniščany skład Čyrvonaha Kryža ŭ Adeskaj vobłaści. Fota: Čyrvony Kryž
«U vyniku rakietnaha ŭdaru pa Adeskaj vobłaści 7 maja całkam razburanaje arandavanaje składskoje pamiaškańnie Adeskaj abłasnoj arhanizacyi Tavarystva Čyrvonaha Kryža Ukrainy płoščaj 1000 kv.m. Pažar całkam źniščyŭ humanitarnuju dapamohu dla Adeskaj vobłaści, jakaja znachodziłasia na składzie», — havorycca ŭ paviedamleńni.
Na ščaście, u momant rakietnaha ŭdaru pradstaŭnikoŭ Čyrvonaha Kryža na miescy nie było. Vydača humanitarnaj dapamohi i dziejnaść niekatorych prajektaŭ Adeskaj abłasnoj arhanizacyi Čyrvonaha Kryža Ukrainy prypynienaja.
Čyrvony Kryž taksama paviedamiŭ, što z-za rakietnaha abstrełu Mikałajeŭskaj vobłaści 7 maja paškodžańni atrymaŭ mabilny špital Mikałajeŭskaj abłasnoj arhanizacyi Čyrvonaha Kryža Ukrainy.
U vyniku ŭdaru častka miedycynskaha abstalavańnia, techničnych srodkaŭ i mebli, jakija tam znachodzilisia, stali nieprydatnymi dla dalejšaha vykarystańnia.
Čytajcie taksama:
