Błohier Alaksandr Kabanaŭ dałučyŭsia da «Bajpoła»
Były palitviazień Alaksandr Kabanaŭ, jaki ŭ śniežni vyzvaliŭsia paśla trochhadovaha terminu, dałučyŭsia da kamandy byłych siłavikoŭ «Bajpoł». Pra heta kamanda abviaściła ŭ svaim kanale.
Alaksandr Kabanaŭ. Skryn videa
«Naša kamanda robicca bolš narodnaj! Radyja vitać u našych šerahach «narodnaha reparciora» — byłoha palitviaźnia Alaksandra Kabanava. Jon uznačalić kirunak pracy «Bajpoła» ź miedyja — jašče adzin važny siehmient baraćby ŭ sučasnych realijach», — paviedamiŭ «Bajpoł».
Alaksandr Kabanaŭ vyjšaŭ z kałonii na volu ŭ śniežni minułaha hoda. 14 krasavika 2021-ha jon byŭ razam sa svaim kaleham Siarhiejem Piatruchinym asudžany na 3 hady pazbaŭleńnia voli, abvinavačvaŭsia ŭ «arhanizacyi i padrychtoŭcy dziejańniaŭ, jakija hruba parušajuć hramadski paradak, abrazie pradstaŭnika ŭłady».
Zatrymali Kabanava 17 červienia 2020 hoda padčas vybarčaj kampanii. Jon byŭ pres-sakratarom inicyjatyŭnaj hrupy Śviatłany Cichanoŭskaj. Spačatku jamu dali 15 sutak, a paśla tak i nie vypuścili.
U studzieni 2023 hoda jon źjechaŭ z krainy.
Čytajcie taksama:
Kabanaŭ raskazaŭ, jak padčas vybaraŭ vyličyŭ ahienta ŭ inicyjatyŭnaj hrupie Cichanoŭskaj
Ci moh być Cichanoŭski prajektam Kramla? Razvažaje błohier Kabanaŭ
