Dvaccać dva bajcy pałka Kalinoŭskaha atrymali miedali za bajavyja zasłuhi ad Rady BNR
Miedal za bajavyja zasłuhi — bajavaja ŭznaharoda Biełaruskaj Narodnaj Respubliki, jakaja była zasnavanaja Dekretam staršyni Rady BNR Ivonki Surviły ad 21 studzienia 2023 hoda. 9 sakavika adbyłosia pieršaje ŭznaharodžańnie im.
Na advarotnym baku nadpis: Virtute et Gladio («Advahaju i miačom» na łacinskaj movie) i indyvidualny numar
Miedal nadajecca za asabistuju advahu, prajaŭlenuju ŭ abstavinach, źviazanych z ryzykaj dla žyćcia i z abaronaj svabody, suvierenitetu i demakratyčnaha kanstytucyjnaha ładu Biełarusi na hruncie ideałaŭ 25 Sakavika, u pryvatnaści, pry vykanańni vajskovaha i słužbovaha abaviazku ŭ bajach i pry vykanańni śpiecyjalnych zadańniaŭ u nacyjanalnych intaresach Biełarusi.
Pieršaje ŭznaharodžańnie miedalom BNR za bajavyja zasłuhi adbyłosia 1 lutaha 2023 hoda, u dzień 160-ch uhodkaŭ pačatku paŭstańnia Kastusia Kalinoŭskaha na terytoryi Biełarusi.
Miedal atrymali 22 vajskoŭcy pałka imia Kastusia Kalinoŭskaha, jakija prajavili advahu ŭ bajach suprać rasijskich akupacyjnych vojskaŭ va Ukrainie.
Aficyjnaje ŭručeńnie miedaloŭ adbyłosia 9 sakavika 2023 hoda i stałasia pieršaj viadomaj cyrymonijaj uručeńnia biełaruskich dziaržaŭnych uznaharod za advahu na poli boju z časoŭ Rečy Paspalitaj, paviedamlaje sajt Rady BNR.
