U subotu ŭ Rasiju z Hiermanii prylataŭ sanitarny bort. Pa kaho — nieviadoma
Samalot Bombardier Challenger 604 niamieckaj čartarnaj avijakampanii FAI rent-a-jet, pryziamliŭsia ŭ maskoŭskim aeraporcie Unukava ŭ 16:08 4 sakavika. Praź dźvie hadziny bort vylecieŭ nazad u Niurnbierh.
U internecie vykazvalisia roznyja viersii taho, chto moh być na tym borcie: ad śpievaka Rastarhujeva da Ramzana Kadyrava.
U kampanii-pieravozčyku rastłumačyli RBK, što bort byŭ sanitarnym, ale kampanija nie moža raskryć źviestki pra pasažyraŭ na borcie, bo dziejničajuć zakony ab abaronie źviestak i pravy pacyjentaŭ.
«My možam paćvierdzić, kab paźbiehnuć dalejšych śpiekulacyj, što rejs vykonvaŭ palot z aeraporta Frankfurta va Unukava ŭ ramkach misii sanitarnaj avijacyi (na jakuju nie raspaŭsiudžvajucca dvuchbakovyja sankcyi)», — skazali ŭ kampanii.
