ZŠA abvinavacili kampaniju z Kitaja ŭ pieradačy spadarožnikavych zdymkaŭ PVK «Vahnier». Pryhožyn adkazaŭ
Pra pieradaču zdymkaŭ kampanii Spacety Co dla vajujučaj va Ukrainie PVK «Vahnier» zajaviŭ pamočnik dziaržsakratara ZŠA pa spravach Uschodniaj Azii i Cichaha akijana Denieł Krytenbrynk.
U studzieni ZŠA ŭviali sankcyi suprać Spacety Co. Tady amierykanski Minfin udakładniaŭ, što kampanija pieradavała spadarožnikavyja zdymki terytoryi Ukrainy kampanii «Teppa-Tech». Apošniaja, pavodle źviestak ZŠA, źviazana z PVK «Vahnier».
«Teppa-Tex» taksama była ŭniesienaja ŭ čorny śpis ZŠA. Zasnavanuju Jaŭhienam Pryhožynym PVK ZŠA pryznali transnacyjanalnaj złačynnaj arhanizacyjaj.
«U nas niama nijakaj nieabchodnaści kuplać spadarožnikavyja zdymki. PVK «Vahnier» užo paŭtara hoda maje amal dva dziasiatki spadarožnikaŭ, častka ź jakich — radyjołakacyjnyja, a astatnija — aptyčnyja. Tamu Dziarždep ZŠA trošački pravaliŭsia ŭ časie», — adkazaŭ Pryhožyn praz svaju pres-słužbu.
