U Biarezinskim zapaviedniku źjaviŭsia miadźviedź-badziaha
Supracoŭniki zapaviednika ździejśnili navukova-daśledčuju ekśpiedycyju ŭ paŭdniovuju jaho častku — Krajcaŭskaje i Palikskaje laśnictvy — u kancy studzienia, paviedamlajecca na sajcie ŭstanovy.
Tam na lasnoj darozie ŭ jałovym lesie jany vyjavili bujnyja ślady buraha miadźviedzia: šyrynia jaho piaredniaj łapy składała kala 16 sm. Mabyć, źviera vymusili pračnucca rastałyja vody, jakija padtapili miesca śpiački padčas niadaŭniaj adlihi.
«Padčas paciapleńnia ŭ zimovy čas miadźviedzi mohuć pračynacca i błukać niepadalok u pošukach bolš padychodziačaha miesca dla snu. U adnoj žyvioły moža być niekalki takich źmiennych biarłoh (u zapaviedniku znachodzili ad dvuch da piaci). Časam miadźviedziu nie ŭdajecca znajści naležnaje miesca i znoŭ zalehčy ŭ śpiačku da nastupnych marazoŭ», — paviedamlajecca na sajcie zapaviednika.
