Znajści
Ałharytmičny łacinski varyjant
11.02.2023 / 15:433RusŁacBieł

Ja vydaliŭ Telegram-akaŭnt. Ja ŭ biaśpiecy?

U vialikaj kolkaści artykułaŭ pa biaśpiecy ŭ Telegram jość parada vydalić akaŭnt. Čytačy šmat pytajucca ŭ nas: ci heta panaceja i paśla hetaha možna pačuvacca ŭ biaśpiecy? Adkazvajem na hetaje pytańnie i raspaviadajem, što z hetym možna zrabić.

Fota: «Naša Niva»

Heta składanaje pytańnie, ale ŭ bolšaści vypadkaŭ adkaz budzie — «nie zusim».

Vaš akaŭnt u telehramie i danyja, jakija vy ŭ im pakinuli, zastajucca tam nazaŭsiody. Paviedamleńni vydalenych akaŭntaŭ bačnyja ŭ čatach, a paviedamleńni z pryvatnych čataŭ, jakija nichto nie vydaliŭ, možna atrymać šlacham «ekspartu». Usie paviedamleńni luboha, navat vydalenaha akaŭnta ŭtrymlivajuć jaho ID.

Taksama daŭno viadoma, što siłaviki nazapašvajuć danyja z usich adkrytych krynic: jak z telehram-čataŭ, hetak i z ahulnych kantaktaŭ, a taksama z čataŭ zatrymanych. Jany ich vyhružajuć u svaje bazy. Takim čynam, źviazki «paviedamleńnie — ID» zachoŭvajucca ŭ bazach danych siłavikoŭ pastajanna, kali vy svoj akaŭnt vydalili paźniej, čym jany spampavali štości, naprykład, z telefona vašaha znajomaha, jaki byŭ zatrymany.

Čytajcie taksama: Kotatogram: hubazikaŭcy pakazali, jak jany analizujuć pratesnyja čaty. Voś što varta viedać

Heta značyć, kali da vydaleńnia akaŭnta HUBAZiK zdoleŭ zrazumieć, chto za im chavajecca, to i paśla vydaleńnia akaŭnta jaho ŭładalnika mohuć aryštavać. A navat kali siłaviki nie viedali ci nie cikavilisia akaŭntam, to jany mohuć zacikavicca im paśla i ŭsio roŭna vas znajści — i ŭ «prabiŭnych» botach, i ŭ bazie «T-Pošuk» źviazki «ID — numar telefona — historyja hrup — imia» zachoŭvajucca nieabmiežavana doŭha.

Vydaleńnie akaŭnta pieraryvaje «łancužok» suviaziaŭ z vašym akaŭntam i ŭskładniaje dziejnaść śpiecsłužbaŭ, ale nie zamianiaje inšych zachadaŭ biaśpieki. My ŭžo pakazvali ŭ našych ekśpierymientach, što častku danych vydalenych akaŭntaŭ možna ŭznavić.

Dyk što ž rabić?

Padychodzić da biaśpieki kompleksna, z adnaho boku, i pierastać niedaaceńvać łukašenkaŭskija śpiecsłužby, z druhoha.

Nie isnuje nijakaha mahičnaha šlachu, jak udzielničać u antydyktatarskim padpolli i nie ryzykavać. Viadoma, jość šerah technałohij, mietadaŭ i srodkaŭ, jakija źmianšajuć takuju imaviernaść, ale nie źmianšajuć jaje da nula. Traplalisia jak daśviedčanyja padpolščyki (jak Mikoła Dziadok), hetak i ludzi, jakija zusim nie kłapacilisia pra biaśpieku (jak 95% zatrymanych).

Takim čynam, kab źmienšyć imaviernaść pieraśledu, varta prymać zachady, kab abaranić siabie, i znachodzić čas i siły na toje, kab razabracca, jak pracujuć praviły biaśpieki (ich možna pračytać u internecie).

«Naša Niva» — bastyjon biełaruščyny

PADTRYMAĆ

Čytajcie jašče:

Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć

Zatrymali byłoha maderatara sietki «Kiroŭcy 97%», na jakoha nie mahli vyjści dva hady. Raspaviadajem, čaho jon nie ŭličyŭ

HUBAZiK raskazaŭ pra žančynu, jakaja «pryjšła pakajacca». Paśla jaje adpravili ŭ kałoniju i ŭnieśli ŭ «śpis terarystaŭ»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Noŭnejm/adkazać/
11.02.2023
Na pytańnie "dyk što rabić" niadaŭna davoli koratka, ale całkam zrazumieła adkazaŭ Ščyhielski. Całkam vidavočna, što heta adziny šlach pazbavicca nieabchodnaści kanśpiravacca ŭsio astatniaje žyćcio i ŭvieś čas čahości bajacca.
7
daviedka/adkazać/
11.02.2023
Ja nie sozdavał Telegram-akkaunt. Ja v biezopasnosti!
0
Maksim Dizajnier/adkazać/
12.02.2023
Tak, vaš mozh u biaśpiecy. Kali jen adsutničaje - ničoha nie źmienicca.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031