Meryjem Hierasimienka pačnuć sudzić 19 studzienia
Śpiavačku Meryjem Hierasimienka, jakuju zatrymali ŭletku minułaha hoda z-za publičnaha vykanańnia pieśni na ŭkrainskaj movie, pačnuć sudzić 19 studzienia, piša «Viasna».
Dziaŭčynu abvinavačvajuć pavodle art. 342 KK (aktyŭny ŭdzieł u dziejańniach, jakija hruba parušajuć hramadski paradak). Sudovy praces raspačniecca 19 studzienia ŭ sudzie Centralnaha rajona Minska. Spravu budzie razhladać sudździa Viktoryja Šabunia.
Śpiavačku zatrymali ŭ bary «Banki-butelki» na vulicy Zybickaj napačatku žniŭnia paśla vykanańnia tvoraŭ ukrainskaha hurta «Akijan Elzy». Toj fakt, što dziaŭčyna śpiavała pieśni na ŭkrainskaj movie, aburyŭ prapahandystaŭ. Spačatku Meryjem adbyła 30 sutak administracyjnaha aryštu, a paśla suprać jaje zaviali kryminalnuju spravu.
Taksama tady ž byli aryštavanyja i nie vyjšli na volu dahetul uładalnik bara «Banki-butelki» Andrej Žuk i jahonaja žonka Maryja.
