Miadźviedzieŭ nazvaŭ ukraincaŭ śvińniami, a ministra zamiežnych spraŭ Niamieččyny «małapiśmiennaj babkaj»
Učora Pucin daručyŭ Šajhu ŭvieści z 12:00 6 studzienia da 24:00 7 studzienia režym spynieńnia ahniu pa ŭsioj linii bajavoha sudakranańnia bakoŭ va Ukrainie. Ukrainskija ŭłady paličyli hety zahad kryvadušnym i prapanavali lepš vyvieści vajskoŭcaŭ. Na heta adreahavaŭ Dźmitryj Miadźviedzieŭ.
Fota: AR
«Dumaju, bolšaść našych vajskoŭcaŭ, jakija biaruć udzieł u SVA, spakojna vydychnuła, pačuŭšy admovu hałoŭnych ukrainskich kłoŭnaŭ spyniać ahoń na Kalady. Mienš prablem i chitraści. Ludziej, jakija stracili mahčymaść schadzić u carkvu, škada. A voś śvińni nie majuć nijakaj viery i pryrodžanaha pačućcia padziaki. Jany razumiejuć tolki hrubuju siłu i viskliva patrabujuć žratvu ad haspadaroŭ», — napisaŭ Miadźviedzieŭ u telehramie.
Jon vykazaŭ mierkavańnie, što na admovu Ukrainy paŭpłyvała Jeŭropa, adznačyŭšy, što «małapiśmiennaja hiermanskaja babka Bierbak i šerah inšych tych vartaŭnikoŭ jeŭrapiejskaha śvinarnika, paśpieli viaknuć pra niedapuščalnaść pieramirja».