U Biełaruskim domie ŭ Vilni zładziać anłajn-prahlad uručeńnia Nobieleŭskaj premii Alesiu Bialackamu
Biełaruski dom u Vilni zaprašaje na mierapryjemstva, pryśviečanaje cyrymonii ŭručeńnia Nobieleŭskaj premii miru kiraŭniku pravaabarončaha centra «Viasna» Alesiu Bialackamu. Źniavolenaha pravaabaroncu budzie pradstaŭlać jaho žonka Natalla Pinčuk.
Sama cyrymonija ŭručeńnia budzie prachodzić 10 śniežnia ŭ Osła, ale budzie arhanizavany anłajn-prahlad hetaj padziei, a taksama prezientacyja knihi dy padpisańnie paštovak.
Aleś Bialacki byŭ zatrymany 14 lipienia 2021 hoda i z taho času znachodzicca za kratami. Jaho samoha i jaho kaleh abvinavačvajuć u «kantrabandzie» i «finansavańni hrupavych dziejańniaŭ, što hruba parušajuć hramadski paradak» padčas masavych akcyj pratestu paśla falsifikacyi prezidenckich vybaraŭ 2020 hoda. Ciapier Bialackamu pahražaje ad 7 da 12 hadoŭ źniavoleńnia.
Miesca praviadzieńnia: Biełaruski dom u Vilni, Vilniaus g. 20.
Data: 10 śniežnia z 13:00, ale Dom adkryty dla vizitu ciaham usiaho dnia.
