Znajści
Ałharytmičny łacinski varyjant
25.05.2024 / 01:09RusŁacBieł

ZŠA ŭviaduć vizavyja sankcyi za padryŭ demakratyi ŭ Hruzii

Pra heta zajaviŭ dziaržsakratar Entani Blinkien.

Entani Blinkien. Fota: AP Photo / Alex Brandon

ZŠA ŭviaduć vizavyja abmiežavańni ŭ dačynieńni da asob, jakija majuć dačynieńnie da padryvu demakratyi ŭ Hruzii.

Sankcyi zakranuć adkaznych za «zadušeńnie hramadzianskaj supolnaści i svabody mirnych schodaŭ u Hruzii z dapamohaj hvałtu abo zapałochvańnia i členaŭ ich siemjaŭ». Luby, chto padryvaje demakratyčnyja pracesy abo instytuty ŭ Hruzii — u tym liku, napiaredadni, padčas i paśla vybaraŭ — moža być pazbaŭleny prava atrymańnia amierykanskaj vizy i pajezdki ŭ ZŠA, paviedamlaje «Mieduza» sa spasyłkaj na dakumient Dziarždepa.

Rašeńnie źniešniepalityčnaha viedamstva ZŠA źviazana z pryniaćciem hruzinskim parłamientam zakona ab zamiežnych ahientach. Na dumku dziaržsakratara ZŠA Entani Blinkiena, zakon budzie dušyć realizacyju svabody abjadnańniaŭ i vykazvańnia mierkavańniaŭ, pieraškadžać pracy niezaležnych ŚMI, a taksama styhmatyzavać arhanizacyi, jakija słužać hramadzianam Hruzii.

ZŠA bačyć vidavočnyja prykmiety kampanii zapałochvańnia i prymianieńnia hvałtu dla padaŭleńnia mirnaha inšadumstva padčas pratestaŭ suprać zakona.

Jeŭrasajuz raniej taksama zajaviŭ pra mahčymyja sankcyi praz zakon ab zamiežnych ahientach. U Jeŭropie hučać zakliki admianić biaźvizavy režym i pazbavić Hruziju statusu kandydata ŭ členy ES.

Čytajcie taksama:

Čatyry krainy ES prapanavali admianić biaźvizavy režym z Hruzijaj, kali Tbilisi prymie zakon ab zamiežnych ahientach

Prezident Hruzii zaklikała Makrona pryjechać u Tbilisi na fonie pratestaŭ

Prezidentka Hruzii nakłała vieta na zakon ab «zamiežnych ahientach»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930