Hienštab USU zajaviŭ, što armija RF znoŭ prymianiła suprać Ukrainy iranskija drony
U svajoj čarhovaj zvodcy Hienieralny štab USU zajaviŭ, što za minułyja sutki ŭkrainskija vajskoŭcy «źbili 14 udarnych dronaŭ typu «Shahed-136». Takim čynam Ukraina paćvierdziła, što kraina ŭpieršyniu za niekalki tydniaŭ znoŭ padvierhłasia ŭdaru bieśpiłotnikaŭ-kamikadze iranskaj vytvorčaści.
Ukrainskija vajskoŭcy nie ŭdakładniajuć, suprać jakich abjektaŭ byli nakiravanyja ŭdary bieśpiłotnikaŭ i ci patrapili jakija-niebudź ź ich u cel.
U noč na sieradu karystalniki sacyjalnych sietak pačali raźmiaščać videaroliki, u jakich čutnaja charakternaja dla iranskich dronaŭ praca ruchavika.
Ranicaj kiraŭnik Dnieprapiatroŭskaj abłasnoj administracyi Valancin Raźničenka paviedamiŭ u svaim telehram-kanale, što siły SPA źbili «ŭsie vosiem varožych bieśpiłotnikaŭ, jakija vorah nakiravaŭ na vobłaść». Pa jaho słovach, «papiarednie, heta byli «Shahed-136».
Paviedamlałasia ab napadach dronaŭ i ŭ inšych rehijonach krainy.
Apošni raz armija RF vykarystała drony «Šachied» padčas nalotaŭ 17 listapada, z tych časoŭ pra ich užyvańnie nie paviedamlałasia.
