Zaŭziatar prajechaŭ na rovary 6 tysiač kiłamietraŭ da Katara. A jaho nie puskali na stadyjon
34-hadovy mužčyna pa imieni Łorens pieraadoleŭ 6381 kiłamietr na rovary z Amsterdama ŭ Dochu, kab naviedać turnir. Pajezdka zaniała ŭ jaho 110 dzion.
«Ja ź nieciarpieńniem čakaŭ vialikaj, varjackaj pryhody. Ja chacieŭ źviazać heta z čymści spartyŭnym. Docha — cudoŭnaje miesca, i ja chacieŭ trapić na pieršy matč čempijanatu śvietu ŭ jakaści pryjemnaj uznaharody za hetuju pryhodu. Usie mohuć padumać, što ja zvarjacieŭ. Ja taksama padumaŭ pra siabie: z čaho mnie pačać?» — raspavioŭ niderłandziec De Telegraaf.
Kali mužčyna pryjechaŭ na stadyjon, achoŭniki nie puścili jaho na trybuny z-za łahatypa One Love na rukavie jaho futbołki. Raniej FIFA zabaraniła vykarystańnie anałahičnaj kapitanskaj paviazki na turniry.
«Kali vy zrobicie heta i vas złoviać, vas vyhaniać sa stadyjona, i vam, mahčyma, navat pryjdziecca pakinuć krainu», — dadaŭ Łorens. Jamu daviałosia šukać inšuju futbołku, kab trapić na hulniu.
Zbornaja Niderłandaŭ u pieršym tury hrupavoha etapu pieramahła Sieniehał ź likam 2:0.
