Jašče adzin sud nad «rejkavym partyzanam». Hetym razam u Lidzie
Sud Lidskaha rajona 14 listapada razhladaje kryminalnuju spravu Dźmitryja Miadźviedskaha, jakoha abvinavačvajuć u arhanizacyi i padrychtoŭcy dziejańniaŭ, jakija hruba parušajuć hramadski paradak, u psavańni čyhunačnych puciej i abrazie Łukašenki, paviedamlaje «Viasna».
Sudovy praces viadzie sudździa Natalla Łoban, jakaja zusim niadaŭna, 26 vieraśnia, była pryznačana sudździoj na 5 hadoŭ.
Miadźviedskaha zatrymali 2 vieraśnia 2022 hoda, a ŭžo 6 vieraśnia źjaviłasia videa z zatrymańniem Dźmitryja, u jakim jon paviedamlaje, što ŭ 2020 hodzie znachodziŭsia ŭ čacie «Lida 97%», dzie aktyŭna pisaŭ paviedamleńni. Taksama pisaŭ ab svaich dziejańniach u płanie «Pieramoha».
Pa viersii siłavikoŭ, mužčyna zaklikaŭ da zabastoŭki, pratestaŭ, a taksama prapanoŭvaŭ arhanizavać dyviersii na čyhuncy.
Jaho vinavaciać adrazu pa troch artykułach Kryminalnaha kodeksa:
č. 1 art. 309 KK — naŭmysnaje psavańnie transpartnaha srodku ci šlachoŭ znosin;
č. 1 art. 342 KK — arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich;
č. 1 art. 368 KK — abraza prezidenta.
Sudovy praces prachodzić u adkrytym režymie.
