Ministr abarony Vialikabrytanii: Rasija jašče dalokaja ad taho, kab zdacca
Ministr abarony Vialikabrytanii Ben Uoles zajaviŭ, što Rasija budzie «zasmučanaja i ŭstryvožanaja» strataj Chiersona. U toj ža čas jon zaklikaŭ nie niedaaceńvać Maskvu, bo, kali im spatrebicca jašče harmatnaje miasa, jany heta zrobiać, paviedamlaje Bi-bi-si.
Ben Uoles
Razmaŭlajučy z žurnalistami ŭ Viestminstery, Uoles zaklikaŭ da aściarožnaści pry aśviatleńni radasnych scen na vulicach vyzvalenaha Chiersona.
«Tak, Ukraina viarnuła pakul štości z taho, što Rasii ŭdałosia zachapić jašče ŭ sakaviku, — skazaŭ jon. — Chierson byŭ adnoj z mnohich metaŭ. Rasija paciarpieła paražeńnie, i Ukraina viarnuła horad sabie».
«Ale ciapier pierad rasijskim nasielnictvam paŭstaje pytańnie: dla čaho ŭsio heta było? — praciahnuŭ ministr. — U toj ža čas heta demanstruje vydatnyja mahčymaści Ukrainy».
Nie varta razam z tym niedaaceńvać Rasiju, zaklikaŭ Uoles. «Historyja nahadvaje nam, što Rasija moža być vielmi žorstkaja ŭ dačynieńni da svaich ža. I, kali im spatrebicca jašče bolš harmatnaha miasa, jany jaho znojduć», — pieraściaroh jon.
Uoles dadaŭ, što Ukraina sama pavinna vyrašyć, kali i jak jana moža ŭstupić u pieramovy z Rasijaj.
Na pytańnie, ci nie pryjšoŭ užo čas dla pieramoŭ, jon skazaŭ: «Pierš za ŭsio, ja nie dumaju, što my staniem vykazvać udziačnaść złodzieju, kali toj viartaje skradzienaje — a pa sutnaści, heta toje, što i zrabiła Rasija. Ciapier jana budzie sprabavać zapeŭnić uvieś śviet, što ŭsie pavinny być udziačnyja joj za heta. Nie, nie pavinny. Dla pačatku Rasii nie varta było naohuł rabić hetaha ŭ lutym».
