Akudovič pra Nobiela: Paśla 2022 hoda naš supolny šlach kančatkova razryvajecca
Nobieleŭskaja premija Bialackamu — heta pieršaja premija «biełaruskamu» biełarusu, čałavieku, jaki ź dziacinstva zmahaŭsia za volnaść Biełarusi, pryčym amal što na ŭsich frantach. I tamu hety Nobiel asabliva kruty, piša ŭ kanale «Biełaruski Babiłon» historyk i ekskursavod Cimafiej Akudovič. Ale nie tolki tamu.
«Ideja pra supolnaje ŭšanavańnie troch arhanizacyj mnie taksama padajecca ŭdałaj.
Tamu što papiaredni naš Nobiel taksama byŭ «trynarodny», bo nadadzieny byŭ postsavieckaj piśmieńnicy Aleksijevič, źviazanaj i ź Biełaruśsiu, i z Ukrainaj, i z Rasijaj.
I taja premija taksama była pryncypova antyimpierskaja i navat antypucinskaja. Bo vyśviečvała, raźbirała na častki «čyrvonaha čałaviečka».
Nobieleŭski kamitet spracavaŭ vielmi elehantna: siońniašniaja premija uznaharodziła tych, chto zmahaŭsia z hetym čyrvonym čałaviekam apošnija 30 hod.
Nu i nikudy nie dzieniešsia ad taho, što da 2022 hoda my ŭ takich hłabalnych padsumavańniach, jak Nobiel, idziem adnoj abojmaj. Bo kožny svaim šlacham sprabavaŭ vytravić ź siabie savieckaje bałota.
A voś z 2022 hoda hety supolny šlach kančatkova razryvajecca. Bo va ŭkraincaŭ atrymałasia, u biełarusaŭ jašče nie, a ruskija, vierahodna, załaziać u jaho nazad.
Tak što ŭsio dobra padsumavaŭ Nobieleŭski kamitet», — padkreślivaje Cimafiej Akudovič.
Čytajcie taksama:
«Nierealna kruta». «Płaču hadzinu». Biełarusy vybuchnuli radaściu ad Nobieleŭki Bialackamu
«Biełaruskija arhanizacyi tak i nie zmahli arhanizavać supraciŭ vajnie». Padalak aburyŭsia sioletnim «Nobielem» — Kavaleŭski jamu adkazaŭ
«Viasna»: Hałoŭnaja nadzieja — što Nobieleŭskaja premija stanie mahčymaj pryčynaj vyzvaleńnia Alesia Bialackaha
Aleś Bialacki atrymaŭ Nobieleŭskuju premiju miru
nie obraŝajtie na mienia vnimanije
Požałuj, spasibo