Rasijskija vajskoŭcy znoŭ «pravodziać pierahrupoŭku»
Namieśnik kiraŭnika akupacyjnaj administracyi Chiersonskaj vobłaści Kirył Stramavusaŭ paviedamiŭ, što rasijskija vajskoŭcy pravodziać u rehijonie «pierahrupoŭku», meta jakoj — «sabracca ź siłami i nanieści ŭdar u adkaz».
Fota: Minabarony RF
Učora stała viadoma, što na Chiersonščynie rasijskija armija za dzień adstupiła na 30 kiłamietraŭ.
Prezident Ukrainy Uładzimir Zialenski paviedamiŭ, što ŭkrainskija vajskoŭcy zaniali Lubimaŭku, Kraščonaŭku, Załatuju Bałku, Bialajeŭku, Ukrainku, Vialikuju i Małuju Alaksandraŭki i Davydaŭ Brod Chiersonskaj vobłaści.
«I heta jašče daloka nie poŭny śpis. Našy voiny nie spyniajucca», — skazaŭ prezident Ukrainy.
Rasijskaja prapahanda znachodzić dla abaznačeńnia paražeńnia eŭfiemizmy, «pierahrupoŭka» — adzin ź ich.
Miž tym, siońnia prezident Rasii Uładzimir Pucin padpisaŭ ukaz ab pryniaćci ŭ skład Rasii zachoplenych terytoryj, miežy jakich nieviadomyja.
U 1924 hodzie Ŭsialenski patryjarch Ryhor VII, nadaŭšy aŭtakiefaliju Polskaj pravasłaŭnaj carkvie, u skład jakoj uvajšła značnaja častka byłoj Kijeŭskaj mitrapolii, u tym liku Zachodniaja Biełaruś ź Vilenščynaj, u svaim tomasie zaznačyŭ, što dałučeńnie Kijeŭskaj mitrapolii da Maskoŭskaha patryjarchatu nie było kananičnym. U 1990-ja hady ŭ liście patryjarchu maskoŭskamu Alaksiju (Rydyhieru) Usialenski patryjarch Dzimitry zajaviŭ, što Kanstantynopal vyznaje Maskoŭski patryjarchat u miežach 1589 hodu, heta značyć biez terytoryi Biełarusi, Ukrainy, Bałtyi i Smalenščyny, jakija na toj čas uvachodzili ŭ skład Rečy Paspalitaj. Nastupny Ŭsialenski patryjarch Bartałamiej dadaŭ, što RPC bieśpierapynna ŭryvałasia ŭ krainy, jakija znachodziacca pad duchoŭnaj jurysdykcyjaj Kanstantynopala, mienavita ŭ Estoniju, Vuhorščynu i inšy krainy, robiačy heta zaŭsiody z dapamohaj uzbrojenaj siły savieckaj armii. U 2006 hodzie patryjarch Bartałamej zrabiŭ zajavu ŭ Kijevie, što Kanstantynopal ličyć Kijeŭskuju mitrapoliju svajoj dačkoj i, kali pryjdzie čas, razhledzić pytańnie ab jaje samastojnaści. U kastryčniku 2018 hodu Synod Kanstantynopalskaj carkvy spyniŭ dziejańnie hramaty 1686 hodu ab padparadkavańni Kijeŭskaj mitrapolii Maskoŭskamu patryjarchatu[.
Uvohule, pravasłaŭnyja kanony (34-je apostalskaje praviła) patrabujuć asobnaj carkvy dla asobnaha narodu, adnak RPC praciahvaje nie pryznavać biełarusaŭ (jak i ŭkraincaŭ) asobnymi narodami. Z hetaj pryčyny na roznych uzroŭniach ahučvajecca i paŭtarajecca formuła pra «tryadziny rasiejski narod»