Pucin padpisaŭ zakony ab dałučeńni da Rasii zachoplenych terytoryj i pryznačyŭ ich kiraŭnikoŭ
Prezident Rasii Uładzimir Pucin padpisaŭ zakony, jakija ratyfikujuć dahavory ab pryniaćci ŭ skład Rasii terytoryj samaabvieščanych «DNR» i «ŁNR», a taksama akupavanych Chiersonskaj i Zaparožskaj abłaściej.
Uładzimir Pucin pryznačyŭ vykonvajučych abaviazki kiraŭnikoŭ:
Dzianisa Pušylina — kiraŭnikom samaabvieščanaj «DNR»,
Leanida Pasiečnika — kiraŭnikom samaabvieščanaj «ŁNR»,
Jaŭhiena Balickaha — hubiernataram Zaparožskaj vobłaści,
Uładzimira Salda — hubiernataram Chiersonskaj vobłaści.
Miežy zachoplenych terytoryj, jakija, pa viersii Rasii, uvajšli ŭ jaje skład, navat kiraŭnictvu hetaj krainy nieviadomyja. Pradstaŭnik Kramla Dźmitryj Piaskoŭ skazaŭ, što heta budzie vyrašana paźniej.
Miž tym Ukraina praciahvaje vyzvalać zachoplenyja terytoryi. Uładzimir Zialenski padpisaŭ ukaz ab mizernaści rasijskich dakumientaŭ, «jakija parušajuć suvierenitet i terytaryjalnuju cełasnaść Ukrainy».
