Si: KNR maje namier pracavać z Francyjaj dla «vyrašeńnia ŭkrainskaha kryzisu»
Sa słoŭ kitajskaha lidara, jon «razumieje staŭki ŭkrainskaha kryzisu dla jeŭrapiejcaŭ».
Si Czińpin. AP Photo/Mark Schiefelbein, Pool.
KNR maje namier pracavać z Francyjaj i ŭsioj mižnarodnaj supolnaściu nad pošukam šlachoŭ «raźviazańnia ŭkrainskaha kryzisu». Pra heta ŭ svajoj kałoncy dla Le Figaro zajaviŭ lidar Kitaja Si Czińpin, piša UNIAN.
Jak viadoma, lidar KNR prybyŭ u Francyju z dvuchdzionnym vizitam. U pryvatnaści, jon praviadzie pieramovy z prezidentam Emanuelem Makronam.
Kiraŭnik KNR, siarod inšaha, paabiacaŭ adkryć kitajskija rynki dla zachodnich kampanij, zapeŭniŭ, što razumieje staŭki ŭkrainskaha kryzisu dla jeŭrapiejcaŭ i kaža, što addany ŭzajemnaj pavazie i mirnamu suisnavańniu pamiž dziaržavami.
«Ja maju vialikaje zadavalnieńnie ažyćciavić svoj treci dziaržaŭny vizit u Francyju pa zaprašeńni prezidenta Emanuela Makrona. Dla kitajcaŭ Francyja vałodaje niepaŭtornym šarmam. Heta radzima mnohich vialikich fiłosafaŭ, piśmieńnikaŭ i mastakoŭ, jakija natchnili čałaviectva», — adznačyŭ Si Czińpin.
Jon spadziajecca, što mir i stabilnaść chutka viernucca ŭ Jeŭropu.
«My majem namier pracavać z Francyjaj i ŭsioj mižnarodnaj supolnaściu, kab znajści pravilnyja šlachi vyrašeńnia kryzisu», — padkreśliŭ lidar Kitaja.
Čytajcie taksama:
Si Czińpin upieršyniu za piać hadoŭ adpraŭlajecca ŭ turne pa jeŭrapiejskich krainach
Niešta nie sychodzicca: Kitaj moža chłusić śvietu pra svoj realny vajskovy biudžet
