Prezident Irana nie pryjšoŭ na intervju CNN praz admovu žurnalistki nadzieć hałaŭny ŭbor
Prezident Irana Ibrahim Ramsi admoviŭsia ad zapłanavanaha intervju z žurnalistkaj CNN Kryścijan Amanpur na Hienieralnaj asamblei AAN u Ńju-Jorku.
Pierad pačatkam intervju, jakoje nie adbyłosia
Raisi spaźniŭsia na 40 chvilin i pieradaŭ praz pamočnika prośbu Amanpur nadzieć na hałavu chustku. Žurnalistka «vietliva admoviłasia». U vyniku prezident Irana nie pryjšoŭ na intervju.
Amanpur zajaviła, što prykryvaje hałavu padčas repartažaŭ u Iranie ŭ adpaviednaści ź miascovymi zakonami i zvyčajami, ale nie stanie hetaha rabić dla intervju za miežami krainy.
Pavodle jaje słoŭ, uvohule nivodzin prezident Irana nikoli nie prasiŭ jaje pakryć hałavu — «ni ŭnutry krainy, ni za jaje miežami», choć jana brała intervju z kožnym ź ich pačynajučy z 1995 hoda.
Kryścijan Amanpur — hramadzianka Vialikabrytanii, ale jaje baćka rodam ź Irana. U iranskaj stalicy Tehieranie jana, choć i naradziłasia ŭ Łondanie, praviała dziacinstva.
ale heta maleńkaje fantazijnaje madelavańnie situacyi było. dla zanudystaŭ (ci jak budzie "zanuda" pa-biełarusku?) treba peŭna paznačać - "ujavicie, što kali b dzieści na niejkaj płaniecie isnavała kraina, dzie 100% nudystaŭ..."
chotiełoś by usłyšať v takom razie i božiestviennoje značienije słovo "durynda"