Vosieńniu ŭ Biełarusi źjaviacca novyja darožnyja znaki
Alaksandr Łukašenka sioleta padpisaŭ Ukaz №145 «Ab udaskanaleńni arhanizacyi darožnaha ruchu». Źmieny ŭ PDR, jakija byli anansavanyja, ustupiać u siłu ŭžo ŭ kastryčniku. Pavodle ich, na biełaruskich darohach źjaviacca i niekatoryja novyja darožnyja znaki.
Budzie ŭviedzieny novy darožny znak, jaki atrymaŭ nazvu «Zona z abmiežavańniem maksimalnaj chutkaści ruchu». Jon budzie rehulavać chutkaść ruchu pa peŭnych terytoryjach. U zonie ščylnaj žyłoj zabudovy, naprykład, moža być uviedzienaje abmiežavańnie ŭ 30 kiłamietraŭ za hadzinu.
Akramia hetaha, na darohach u chutkim časie možna budzie ŭbačyć i inšyja novyja darožnyja znaki i tablički. «Vyjezd na darohu ź viełasipiednaj ściežki», «Daroha ź viełasipiednaj ściežkaj», «Ruch na srodkach piersanalnaj mabilnaści zabaronieny», «Usie TS, akramia elektramabilaŭ», «Punkt absłuhoŭvańnia sistemy elektronnaha zboru płaty za prajezd», «Zimovy pieryjad», «Śvietły čas sutak», «Ciomny čas sutak».
